Halqy «buzylǵan» álemniń 10 eli
ASTANA. 9 jeltoqsan. QazAqparat - Taıaýda Bloomberg atty tanymal agenttik turǵyndary ádepsiz qasıetterdi boılaryna sińirgen elderdiń tizimin jasap shyqty.
Azamattardyń adamgershilikke jat ómir súrý saltyna degen beıimdilikteri ishimdikti, temekini, esirtkini qanshalyqty paıdalatyndyqtaryna jáne qumar oıyndarǵa áýestikterine qarap anyqtalǵan. Nátıjesinde, álemdegi eń «beıkúná» el Zambııa bolyp shyqty. Al joǵarydaǵy jaman qasıetterdi darytqan adamdar turatyn 10 el tómendegideı:
Grekııa
Grekııa turǵyndary temekini eń kóp qoldanatyndardyń 2-ornynda tur. Olarda basqa da zııandy ádetter jıi baıqalyp jatady.
Belarýs
Totalıtarly Belarýs sekildi elde qandaı ádepsizdikter bolýy múmkin degen oıda ekendigińizdi bilemiz. Shyn máninde belorýstar - álemdegi eń kóp ishetin halyq eken. Onan keıingi tizimde Ýkraına jáne Estonııa turǵyndary tur.
Reseı
Kórshi eldiń ishimdikke jaqyn ekenin bárimiz jaqsy bilemiz. Olar alkogoldi sýsyndardy qoldanatyndardyń 6-ornynda tur. Al temeki jóninen AQSh-tan keıin 2-orynǵa qoıylǵan. Esesine, qumar oıyndarǵa degen joǵarǵy áýesqoılyq baıqalmaıdy.
Bosnııa jáne Gertsegovına
Bosnııa men Gertsegovına turǵyndary ishimdikke qumarlyq jóninen tizimniń eń sońyna qaraı jazylǵan. Al eń az ishetinder Lıvan eliniń turǵyndary. Alaıda, Bosnııa men Gertsegovına turǵyndary temeki men qumar oıyndarǵa áýesqoılyq jóninen aldyńǵy qatarǵa shyǵyp ketedi.
Ispanııa
Osy bir tamasha el ózderiniń sharaptarymen tanymal, dese de, olar ishimdikke emes, kokaınge áýes eken. Tipti, eń joǵarǵy kórsetkishte deýge bolady. Esirtki jóninen eń sońǵy orynda túngi klýbtarymen ataǵy shyqqan Ibıtsa araly. Kolýmbııa kokaındy óndirip, tasymaldaý jóninen úlken tabystarǵa jetip júrse de, turǵyndary qoldanbaıdy eken.
Bolgarııa
Bolgarııa álemdegi eń shylymqor memleket. Munda eresek bir turǵyn jylyna ortasha eseppen 2822 temeki tutynady eken.
Armenııa
Armenııanyń bar kinási - turǵyndarynyń qumar oıyndarǵa degen qyzyǵýshylyǵy. Dál osy kemshilikten birinshi orynda Fılıppın turǵyndary tursa, ekinshi oryndy Armenııa alady.
Aýstralııa
Aýstralııalyqtar ekstazıge nemquraıly qaramaıdy. Sondaı-aq, bul el qumar oıyndar men amfetamındi paıdalaný jóninen 3-orynǵa shyqqan.
Slovenııa
Slovenııa tizimge kezdeısoq enip otyr. El eshbir zııandy ádetterden kóshbasshylyqqa ıe emes. Turǵyndary "bárinen de azdaǵan mólsherde" degen qaǵıdany ustanatyn sekildi. Nátıjesinde, eń ádepsiz elderdiń 2-ornyn qanjyǵalaryna baılap otyr.
Chehııa
Mine, eń ádepsiz eldiń aty da belgili boldy. Olardyń syraǵa ( ishimdik jóninen 4-qatarda) áýestigi aıaqtan shalǵan joq, Chehııa kannabıs (esirtki zaty) óndirýden Gollandııany basyp ozyp, 1-orynǵa shyqqan.
