Halqymyzdyń murasy men rýhanı baılyǵy tsıfrlyq keńistikte saqtalýy tıis — Prezıdent

Prezıdent qazaq tiliniń ulttyq tsıfrlyq derekter qoryn jasaqtaý mindeti kútip turǵanyn eske saldy.

— Jalpy, biz qazaq tiliniń sózdik qory óte baı dep jıi aıtamyz. Munyń shyndyq ekeni de kúmánsiz. Ádebı-mádenı muramyz da ushan-teńiz. Alaıda sol dúnıeniń kóbi kezinde tsıfrlyq júıelerge tolyq ári sapaly kóshirildi dep aıtý qıyn, — deıdi Memleket basshysy «Qazaq tili» qoǵamynyń H quryltaıynda.

Sol sebepti muraǵatta nemese kitaphanalarda ǵana saqtalǵan qazaq tilindegi kitaptardy, merzimdi basylymdardy, aýdıo-beıne jazbalardy, arhıv jáne mýzeı qorlaryn tsıfrlyq formatqa kóshirý isin qaıta jandandyrý qajet.

— Halqymyzdyń óshpes murasy men rýhanı baılyǵy qaǵaz betinde emes, tsıfrlyq keńistikte saqtalýǵa tıis. Keleshek urpaq osy ıgi istiń jaqsylyǵyn kóredi. Buǵan qosa, ınjenerııa, medıtsına, quqyq, ekonomıka, jaratylystaný sııaqty túrli ǵylymdy jáne aqparattyq tehnologııalardy qazaq tilinde úırenýge barynsha qolaıly jaǵdaı jasalýy kerek, — dedi Qasym-Jomart Toqaev.

Bul tusta, eń aldymen, sapaly oqýlyqtar men oqý quraldaryn daıarlaýǵa basa mán berý keregi aıtyldy.

— Ókinishke qaraı, bul másele boıynsha kóp qatelik jasaldy, olqylyqtar da az emes, — dedi Prezıdent.
Aıta keteıik, Memleket basshysy Qasym-Jomart Toqaev Halyqaralyq «Qazaq tili» qoǵamynyń H quryltaıynda sóz sóılep jatyr.
https://kaz.inform.kz/news/memleket-basshisi-ana-tl-maseles-memlekettk-sayasi-zhane-ulttik-manizi-bar-takir-98bcb029/

Buǵan deıin Prezıdent qazaq tiliniń abyroı-bedelin arttyrý úshin tabandy jumys isteý kerektigin aıtty.

Sonymen qatar jańa Konstıtýtsııada «Táýelsizdik» jáne «Egemendik» sózderin bas árippen jazylatyn boldy.