Halqymyzdyń dúnıetanymynda qara kıinip júrý degen atymen bolmaǵan - Prezıdent
ASTANA. KAZINFORM - Halqymyzdyń dúnıetanymynda qara kıinip júrý degen atymen bolmaǵan. Bul – elikteýshilikten, ásire-dinshildikten týǵan úrdis. Biz salt-dástúrimizden ajyramaýymyz kerek. Bul týraly Memleket basshysy Qasym-Jomart Toqaev Ulttyq quryltaıdyń úshinshi otyrysynda aıtty.
«Endigi másele – ulttyq biregeıligimizdi nyǵaıtý. Men «Egemen Qazaqstan» gazetine bergen suhbatymda Ulystyń uly kúnin búkil el bolyp jańasha atap ótetinimizdi aıttym. Jaqynda osyǵan baılanysty arnaıy tujyrymdama qabyldandy. Árıne, búkil álem jurtshylyǵymen birge qarsy alatyn Jańa jyl merekesinen bas tartpaımyz. Biraq Áz-Naýryzdyń mártebesin kóterip, mazmunyn baıyta túsemiz. Mysaly, Kórisý kúninen bastalatyn meıram kezinde ár kúnniń óz ataýy bolady. Sonyń biri Ulttyq kıim kúni dep atalady. Basqa jurt qazaqty kıiminen tanıtyn bolýy kerek. Men byltyr aýyzashar bergen kezde osy máselege arnaıy toqtaldym. Keıbir iri kompanııalar men oqý oryndary ulttyq naqyshta kıiný úrdisin engizip jatyr. Bul – óte oryndy bastama, ony qoldap, aýqymyn keńeıte túsken jón. Ásirese, qazirgi tańda mundaı qadamdardyń mán-mańyzy aıryqsha. Sebebi sońǵy jyldary el ishinde qara kıinip, tumshalanyp júretin adamdar paıda bolǵany barshańyzǵa málim. Olar – bóten emes, óz azamattarymyz. Halqymyzdyń dúnıetanymynda qara kıinip júrý degen atymen bolmaǵan. Bul – elikteýshilikten, ásire-dinshildikten týǵan úrdis. Biz salt-dástúrimizden ajyramaýymyz kerek», - dep atap ótti Memleket basshysy.
Prezıdent sondaı-aq radıkaldy neofıttar halqymyzdyń saltynda joq kıim úlgileri arqyly da jat dinı ıdealdardy qoǵamǵa tańýǵa tyrysyp júrgenin aıtty.
«Radıkaldy neofıttar halqymyzdyń saltynda joq kıim úlgileri arqyly da jat dinı ıdealdardy qoǵamǵa tańýǵa tyrysyp júr. Bul bizdiń dástúrli uǵymdarymyz ben qundylyqtarymyzǵa jasalyp jatqan ashyq shabýyl ekeni anyq. Biz babalarymyzdyń san myńjyldyq dinı ilimi men rýhanı baǵdaryna arqa súıeýimiz kerek. Elimizdiń rýhanı derbestigin saqtap, ony nyǵaıta túsemiz desek, túrki halyqtarynyń kópshiliginiń, sonyń ishinde qazaqtardyń dástúrli dini – sýnnıttik baǵyttaǵy hanafı mázhabyna den qoıýymyz qajet. Dúnıege aqyl-parasatpen qaraý jáne erkin oılaý sekildi hanafızmge tán qasıetter ıslam órkenıetiniń qaıta órleýine jol ashty. Sondaı-aq bizdiń óńirde óner-ǵylymnyń órkendeýine jáne Ál-Farabı sııaqty uly oıshyldardyń tarıh sahnasyna shyǵýyna yqpal etti. Islam dininiń Uly dala tórinde taralyp, tamyr jaıýyna orasan zor úles qosqan, túrki álemindegi sopylyq ilimniń negizin qalaǵan Qoja Ahmet ıAsaýı muralaryn tereń zerdelep, dáripteýge de aıryqsha nazar aýdarǵan jón. Bul másele boıynsha eń áýeli óz elimizdiń jáne sheteldiń ǵalymdaryn shaqyryp, arnaıy sımpozıým ótkizý qajet. Osy oraıda ıAsaýı kesenesine qatysty kóne jádiger týraly aıta ketkim keledi. Islam elderinde áıgili din qaıratkerleriniń beıiti mindetti túrde japqyshpen jabylady. Mádınadaǵy Muhammed Paıǵambardyń qabiri de osylaı búrkelgen. Bul – Islam órkenıetiniń dástúri. Al qasıetti Túrkistandaǵy ıAsaýı qabirinde kópten beri arnaıy japqysh joq. Talaı zamannan kele jatqan kóne japqyshty qalpyna keltirý jumysy biraz jyl buryn bastalyp, aıaqsyz qalǵan. Men quzyrly memlekettik organǵa osy qundy murany tezirek sapaly jóndeýden ótkizip, tarıhı ornyna qaıtarýdy tapsyramyn», - dedi Qasym-Jomart Toqaev.
