Halk: Brazılııa fýtbolshylary er azamatqa tán minez kórsetip, barlyq jaýapkershilikti moıyndaryna alýy tıis
ASTANA. QazAqparat - Brazılııa fýtbolshylary er azamatqa tán minez kórsetip, fýtboldan álem chempıonatynda óz jerindegi sátsiz oıyndary úshin barlyq jaýapkershilikti moıyndaryna alýy tıis. Bul týraly brazılııalyq quramanyń jáne reseılik «Zenıttiń» shabýylshysy Halk málim etti, dep jazady ITAR-TASS.
Jeksenbige qaraǵan túnde chempıonatta úshinshi oryn úshin ótken matchte brazılııalyq fýtbolshylar Nıderlandyǵa 0:3 esebimen ese jiberdi. Bunyń aldynda jartylaı fınaldyq kezdesýde Germanııa komandasy Brazılııa quramasyn 1:7 esebimen oısyrata jeńgen bolatyn.
«Birinshiden, osy eki match úshin keshirim suraǵym keledi. Bul jeńilister óte aýyr tıdi. Alaıda biz er azamatqa tán minez kórsetip, jiberip alǵan qatelikterge jaýapkershilikti óz moıynymyzǵa alýymyz kerek. Ázirge, ótken oıyndar boıynsha men eshqandaı túsinik bere almaımyn. Álem chempıonatynda 1:7, keıin 0:3 esebimen utylatyndyǵymyzdy eshkim kútken joq», - dedi Halk.
Aıta keteıik, Rıo-de-Janeırodaǵy tanymal «Marakana» stadıonynda búgin álem chempıonatynyń aqtyq saıysy ótedi. Onda Germanııa men Argentına quramalary básekege túsedi.
