Halyqtyń súıiktisi–2025: Ulttyq syılyqtyń jeńimpazdary anyqtaldy
ASTANA. KAZINFORM – Elordada «Halyqtyń súıiktisi» ulttyq syılyǵynyń jeńimpazdaryn marapattaý rásimi ótti.
– Bıyl qazaqstandyqtar óz súıiktilerin osymen 13-shi ret tańdap jatyr. Ulttyq syılyq 10 nomınatsııa boıynsha marapattalady. Bıyl jańadan taǵy nomınatsııa qostyq. Ol – «Úzdik ǵalym» jáne «Úzdik para sportshy». Daýys berý eki kezeńnen turdy, birinshi kezeńde Facebook jelisi arqyly, ekinshi kezeńde «Halyqtyń súıiktisi» syılyǵynyń resmı saıty arqyly júzege asyryldy, - dedi «Halyqtyń súıiktisi» ulttyq syılyǵynyń avtory ári bas uıymdastyrýshy Ǵalym Baıtýk.
Saltanatty is-sharaǵa mınıstrler, depýtattar, qoǵam qaıratkerleri men ártúrli salada elimizde tanymal tulǵalar qatysty.
Úzdik atanǵandardyń arasynda otandyq sportty damytýǵa zor úles qosqan, Qazaqstannyń eńbek sińirgen jattyqtyrýshysy, Qazaqstan Ulttyq Olımpıada komıtetiniń Sport dırektsııasynyń dırektory Elsııar Qanaǵatov ta bar.
– Sport – densaýlyqtyń kepili. Sondyqtan kóńil bólip marapattap jatqanyna qýanyshtymyn. 1970 jyly dene shynyqtyrý ınstıtýtyn bitirip, aýdanda dene shynyqtyrý pániniń muǵalimi bolyp bastap, sodan beri 48 jyl sport salasynda eńbek etip kelemin. Ulttyq quramanyń janynda bolyp 8 olımpıadaǵa, 11 Azııa oıyndaryna, 5 paralımpıadaǵa qatystyq. Sondyqtan eńbegimdi elep jatqanyna myń da bir rahmet. Tek qana sport boıynsha ǵana emes, árbir sala boıynsha halyq óz súıiktisin tańdap jatyr, - dep qýanyshty sátimen bólisti Elsııar Qanaǵatov.
Halyqtyń súıiktisi ulttyq syılyǵynyń jeńimpazdary:
- Úzdik dáriger — Medet Mahanbet
- Úzdik qoǵam qaıratkeri — Maıra Ábenova
- Jyl ınvestory — Roman Pavlınger
- «Aqbulaq» arnaıy nomınatsııasy Kırıll Pavlov
- «Tabys pen damý» nomınatsııasy — Balapan telearnasy
- Úzdik telejúrgizýshi — Móldir Dospaeva
- Túrki mádenıetine qosqan úlesi úshin — Sýltan Raev
- Úzdik ustaz — Serik Nııazov
- Úzdik sportshy — Eldos Smetov
- Úzdik parasportshy — Aqmaral Naýatbek
- Jyl metsenaty — Ǵalymbek Jaqsylyqov
- Úzdik mádenıet qaıratkeri — Dımash Qudaıbergen
- Úzdik ǵalym — Maqsat Jabaǵın
- Úzdik saıasattanýshy — Ǵazız Ábishev
Buǵan deıin habarlanǵanyndaı, Dımash Qudaıbergen úzdik mádenıet qaıratkeri atandy.