Halyqtyń senim mandatyna ıe boldyq — JSDP
ASTANA. KAZINFORM — Jalpyulttyq sotsıal-demokratııalyq partııasynyń tóraǵasy Ashat Raqymjanov saılaýdyń alǵashqy nátıjesine pikir bildirdi.
Ekzıtpol nátıjesi boıynsha JSDP Qazaqstan Respýblıkasy Quryltaıynyń alǵashqy saılaýynda saılaýshylardyń 5% asa qoldaýyna ıe boldy.
Alǵashqy boljamdy nátıjege baılanysty JSDP tóraǵasy Ashat Raqymjanov, partııaǵa senim artqan barsha qazaqstandyqtarǵa, sondaı-aq búkil saılaý naýqany boıy partııalastarmen birge bolǵan belsendiler men eriktilerge shynaıy alǵysyn bildirdi.
— Biz halyqtyń senim mandatyna ıe boldyq. Bul — úlken jaýapkershilik, — dedi Ashat Raqymjanov.
Buǵan deıin «Ádilet» partııasynyń tóraǵasy Aıbek Dádebaı saılaý qorytyndysy boıynsha saılaýshylarǵa úndeý jasady.
Sondaı-aq Respublica partııasy exit poll nátıjelerine qatysty pikir bildirdi.
«Aýyl» partııasynyń tóraǵasy Qaırat Aıtýǵanov saılaýdyń ashyq ári uıymdasqan túrde ótkenin atap ótti.
