Halyqtyń naqty tabysy 2,3% ósý kerek — Jumanǵarın Quryltaı tapsyrmalary týraly

ASTANA. KAZINFORM — QR Premer-mınıstriniń orynbasary — Ulttyq ekonomıka mınıstri Serik Jumanǵarın Prezıdenttiń V Ulttyq quryltaıda bergen tapsyrmalary qalaı oryndalatynyn baıandady.

Mınıstrdiń aıtýynsha, Úkimet Ulttyq bankpen jáne Qarjy naryǵyn retteý jáne damytý agenttigimen Makroekonomıkalyq turaqtandyrý jáne halyqtyń ál aýqatyn arttyrý jónindegi 2026-2028 jyldarǵa arnalǵan birlesken is-qımyl baǵdarlamasyn iske asyrýdy jalǵastyrady. Negizgi basymdyq — halyqtyń tabysyn arttyrý bolmaq.

— Bıyl halyqtyń naqty tabysynyń ósýi 2,3% joǵary bolýy tıis. Oǵan ekonomıkanyń turaqty, sapaly ósýin qamtamasyz etý jáne ınflıatsııany tómendetý esebinen qol jetkiziledi. Ekonomıkanyń ósýi 5%-dan kem emes deńgeıde qamtamasyz etiledi. Ol úshin negizgi kapıtalǵa salynǵan ınvestıtsııaldar kólemi jalpy ishki ónimge qatysty 18%-ǵa deıin jetkiziledi, — dedi S. Jumanǵarın Úkimet otyrysynda.

Oǵan qosa, shıkizatqa jatpaıtyn sektorlardy damytýǵa, eńbek ónimdiligin arttyrýǵa, ekonomıkany tehnologııalyq jańartýǵa jáne tsıfrlandyrýǵa basa nazar aýdarylady.

Proaktıvti ınvestıtsııalyq saıasat júrgizilip, kásipkerlikti qoldaý sharalary keńeıtiledi. Ekonomıkalyq ósýdiń proaktıvti saıasaty sheńberinde jalpy qosylǵan qunnyń eksporttyq túsimderdiń jáne eńbek ónimdiliginiń ósýin qamtamasyz etetin jańa óndiristik qýattardy uıymdastyrý jónindegi memlekettik mehanızm qurylady.

Memlekettik organdar qýatty jáne tabysty jobalardy uıymdastyrýda jáne qurýda belsendi ról atqaratyn bolady.

— Ekonomıkalyq ósýdiń proaktıvti saıasatyn iske asyrý úshin Báıterek holdınginiń róli kúsheıtiledi. Bıyl holdıngti 1 trln teńgeden kapıtaldandyrý kózdelgen. Qarjylandyrýdy eskere otyryp, ekonomıkanyń naqty sektory shamamen 8 trln teńge kóleminde qoldaý sharalarymen qamtylatyn bolady, — dep tolyqtyrdy Ulttyq ekonomıka mınıstri.

Basty ekpin eksportqa jáne ımportty almastyrýǵa baǵyttalǵan tereń óńdeý klasterlerin damytýǵa jasalady.

Aıta keteıik, Kazinform Prezıdenttiń Parlamentti reformalaý týraly ustanymyn jáne Konstıtýtsııadaǵy yqtımal ózgerister qalaı júzege asatynyn saraptady.