Halyqtyq shtab: AES eldiń ekonomıkalyq damýyn qamtamasyz etedi
ALMATY. KAZINFORM — Qazaqstannyń túkpir-túkpirinen kelgen 200-den astam belsendi áıel «AMANAT» partııasy Áıelder qanaty «Tomiris» áıelder saıası kóshbasshylyǵy jobasy aıasynda uıymdastyrylǵan oqý kýrstaryna qatysty.
Búgin Májilis spıkeri, «AMANAT» partııasynyń tóraǵasy Erlan Qoshanov olarmen kezdesý ótkizdi. Іs-shara barysynda Qazaqstanda atom elektr stantsııasyn salý boıynsha 6 qazanda ótetin referendým men Prezıdent Joldaýynyń júzege asyrylý barysy talqylandy.
Іs-sharany ashqan Erlan Qoshanov Memleket basshysy Qasym-Jomart Toqaev áıelder qoǵam ómirine jáne eldiń jan-jaqty damýyna zor úlesi qosatynyn árdaıym aıtyp kele jatqanyn atap ótti.
Sondaı-aq Májilis tóraǵasy genderlik teńdikti qamtamasyz etý, áıelderdiń quqyǵyn qorǵaý jáne otbasy qundylyqtaryn nyǵaıtý Prezıdent pen «AMANAT» partııasynyń basty nazarynda ekenin aıtty.
Ol Áıelder qanaty bir jarym jylda «AMANAT» partııasynyń qozǵaýshy kúshteriniń birine aınalǵanyn atap ótti.
Máselen, Áıelder qanatynyń alǵashqy forýmynda otbasylyq-turmystyq zorlyq-zombylyq máselesi talqylandy, Parlament tıisti zań qabyldap, ol jaqynda kúshine endi.
Sonymen qatar halyqtyń qaryz júktemesin azaıtý, qumar oıyndarǵa qarsy kúres týraly jańa zańdar kúshine enip, bul máseleler de Áıelder qanaty músheleriniń bastamasymen kóterildi.
Kezdesýge qatysýshylar elimizdegi eń mańyzdy oqıǵalardyń biri — Memleket basshysynyń Joldaýyn da talqylady. «AMANAT» partııasynyń tóraǵasy ár Joldaý — bul halyqtyń qajettiligi men suranysyna negizdelgen naqty is-qımyl jıyntyǵy ekenin málimdedi. Sonyń biri — sońǵy jyldary halyq pen bıznes qatty sezinip otyrǵan energııa tapshylyǵy máselesi. Osyǵan baılanysty, AES qurylysy elimizdiń energetıkalyq qaýipsizdigi máselesin sheship, onyń aldaǵy ekonomıkalyq damýyn qamtamasyz etýge tıis.
Erlan Qoshanov búginde AES ıdeıasyna qazaqstandyqtardyń basym bóligi qoldaý bildirgeni mańyzdy ekenin atap ótti. Sondyqtan partııalar men jetekshi qoǵamdyq uıymdar AES salýdy qoldaý jónindegi Halyqtyq shtabqa birikti.
Osy kúni Halyqtyq shtab músheleri óńirlerdi aralap, turǵyndarmen kezdesýde. Qazirdiń ózinde halyq tarapynan beıbit atom ıdeıasyna úlken qoldaý baıqalady.
Májilis spıkeri azamattar AES-ke balama joq ekenin túsinip, bul taǵdyrsheshti máselede olardyń daýysy sheshýshi ról atqaratynyna senim bildirdi.
«Búgin biz eldiń odan ári damýyna áser etetin barlyq mańyzdy sheshimder halyqpen birge qabyldanyp jatqanyn kórip otyrmyz. Jańa saıası mádenıettiń máni osynda. Biz barlyǵymyz birge jańartylǵan Konstıtýtsııa úshin daýys berdik. Qazir halyq qabyldaǵan sheshimniń durys bolǵanyn kórip otyrmyz. Bul joly da birlesip, elimizdiń progressıvti damýyna taǵy bir batyl qadam jasaýymyz kerek. 6 qazanda biz batyl sheshim qabyldap, AES qurylysyna daýys berýimiz kerek», — dedi ol.
Óz kezeginde ıAdrolyq fızıka ınstıtýtynyń ǵylymı hatshysy Karlyǵash Munasbaeva jáne ıAdrolyq fızıka ınstıtýtynyń ıadrolyq jáne fızıkalyq qaýipsizdik oqý ortalyǵynyń bastyǵy Natalıa Izmaılova qaýipsizdik jáne ekologııalyq talaptarǵa sáıkes keletin sońǵy jetistikter men ázirlemelerdi paıdalana otyryp, AES salýdyń perspektıvasy týraly aıtty.
Al Jetisý oblysy Sarqan aýylynan kelgen kásipker Kenjetaı Tazabekova AES qurylysy boıynsha referendým ótkizý — «Halyq únine qulaq asatyn memleket» tujyrymdamasyn júzege asyrýdyń aıqyn kórinisi ekenin atap ótti.
Partııa tóraǵasy qazir kásibı mamandardyń dáleldi sózderi kúmánshil adamdar men synshylardyń pikirinen basym túsip, atom energııasyna qatysty halyqtyń qorqynyshy men úreıin seıiltýi óte mańyzdy ekenin atap ótti.
Kezdesý sońynda partııanyń Áıelder qanatynyń músheleri AES qurylysyna qoldaý bildirip, barsha qazaqstandyqtardy referendýmǵa belsendi qatysýǵa shaqyrdy.
