Halyqty jumyspen qamtıtyn mekeme basshylary para aldy degen kúdikke ilindi

ASTANA. KAZINFORM — Sybaılas jemqorlyqqa qarsy qyzmet ІІM JQD birlesip Astana qalasy prokýratýrasynyń úılestirýimen QR ІІM QAJK «Eńbek» ShJQ RMK basshylarynyń birneshe ret para alý áreketin áshkereledi.

Bas dırektordyń orynbasary jáne onyń qaramaǵyndaǵy — qurylys basqarmasynyń bastyǵy memlekettik satyp alý sharttaryn jasasqany, oryndalǵan jumystar aktilerine qol qoıǵany jáne olar boıynsha aqy tólegeni úshin kásipkerlerden júıeli negizde para aldy dep kúdikke ilindi.

— Sottyń sanktsııasymen kúdiktiler qamaýǵa alyndy. Tergeý jalǵasýda. Qylmystyq-protsestik kodekstiń 201-babyna sáıkes ózge aqparat jarııa etilmeıdi. Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi, — delingen Antıkor taratqan habarlamada.

Budan buryn Antıkor Qazaqstannyń týrızm salasyndaǵy sybaılas jemqorlyqty tekseretini habarlandy.

Sondaı-aq, sot sybaılas jemqorlyq deregine qatysy bar Almaty oblysyndaǵy túrmeniń burynǵy bastyǵyna úkim keskenin jazdyq.