Halyqty tótenshe jaǵdaıdan der kezinde qorǵamaǵandarǵa qandaı jaza qoldanylady
ASTANA. KAZINFORM – Halyqty tótenshe jaǵdaılardan qorǵaý baǵytyndaǵy is-sharalardy oryndamaǵany úshin ákimshilik sharalar qabyldanady. Tótenshe jaǵdaılar mınıstri Shyńǵys Árinov Úkimet otyrysynda osyndaı málimet aıtty.
«Memleket basshysynyń tapsyrmasymen mınıstrliktiń qaramaǵynda Tótenshe jaǵdaılardyń aldyn alý komıteti qurylyp, oǵan baqylaý fýnktsııalary berildi. Endi halyqty tótenshe jaǵdaılardan qorǵaý jónindegi is-sharalardyń oryndamaǵany úshin ákimshilik sharalar qabyldanatyn bolady», - dedi ol.
Shyńǵys Árinov múddeli memlekettik organdarmen birlesip múlikti tótenshe jaǵdaılardan saqtandyrý mehanızmi pysyqtalyp jatqanyn aıtty.
«Óńirlerde qorǵanysh bógetteri men dýaldaryn turǵyzý jáne olardy nyǵaıtý sııaqty aldyn alý is-sharalary júrgizilýde. Ózenderdiń qaýipti ýchaskelerinde sý túbin tereńdetý jáne jaǵalaýdy nyǵaıtý jumystary iske asyrylýda», - dedi mınıstr.
