Halyqty tolyqqandy áleýmettik ınfraqurylymmen qamtý kerek – Prezıdent
ASTANA. KAZINFORM — Densaýlyq saqtaý, bilim berý, mádenıet jáne sport nysandaryna degen qajettilikti dereý anyqtap, qurylys jumystaryna kirisý kerek. Bul týraly Qazaqstan halqyna Joldaýyn jarııalaý kezinde Prezıdent Qasym-Jomart Toqaev málim etti.
– Elimiz udaıy qarqyndy damýy úshin aýqymdy mindetterdi sapaly ári jedel iske asyrý óte mańyzdy. Azamattarymyz tolyqqandy áleýmettik ınfraqurylymmen qamtylýy kerek. Bul – halyqtyń turmys sapasyn kóterýdiń mańyzdy sharty. Sondyqtan basty nazardy ınfraqurylym qurý isine aýdaramyz – dedi ol.
Sonymen qatar Memleket basshysy Qazaqstan aýqymdy qurylys alańyna aınalýǵa tıis ekenin buǵan deıin de aıtqanyn atap ótti. Onyń sózinshe, másele jekelegen jobalarǵa qatysty bolyp otyrǵan joq.
– Jalpy, barlyq aımaqta jappaı qurylysty bastap, jandandyrý qajet. Birinshi kezekte, jan-jaqty zertteý jáne taldaý júrgizip, oblystardyń densaýlyq saqtaý, bilim berý, mádenıet jáne sport nysandaryna degen qajettiligin egjeı-tegjeı anyqtaý jumysyn tez arada tolyǵymen bitirý kerek, – dedi Prezıdent.
Aıta keteıik, buǵan deıin Prezıdent Qazaqstan halqyna kezekti Joldaýyn jarııalap jatqanyn jazǵanbyz.
