Halyqqa tegin beriletin 3500 dáriniń 20%-ynan qaýipsizdik standartyna sáıkessizdik anyqtaldy

ASTANA. KAZINFORM — Densaýlyq saqtaý mınıstriniń orynbasary Tımýr Muratov Úkimet otyrysynda halyqqa tegin berilip kelgen keıbir dárilerdi Qazaqstan aýmaǵynda tirkeý ýaqytsha toqtatylǵanyn aıtty. 

— Dárilik zattar men medıtsınalyq buıymdardyń sapasy men qaýipsizdigin baqylaý maqsatynda elimizde 2 zerthana jumys isteıdi.

Bıyl 1 723 dárilik zattar men medıtsınalyq buıymdarǵa júrgizilgen saraptama nátıjesi boıynsha 43 dárilik zattarda sáıkessizdik anyqtalyp, olar naryqtan alynyp tastaldy, — dedi ol.

Mınıstrlik turǵyndarǵa tegin beriletin 3 500 dárileriniń tıimdiligi men qoldaný barysyndaǵy táýekelderdi baǵalap, 20%-ynan sáıkessizdik anyqtaǵan.

— Osyǵan baılanysty óndirýshiler tirkeý qujattaryna ózgerister engizip, al kúrdeli jaǵdaılarda preparattyń tirkelýi ýaqytsha toqtatylady, — dedi Tımýr Muratov.

Aıta keteıik, búgin Úkimet halyqty dári-dármekpen qamtamasyz etý jaıyn talqylap jatyr.