Halyqqa qyzmet kórsetý ortalyqtarynyń jumys formaty ózgerip jatyr
ASTANA. KAZINFORM – Turǵyndar qyzmetterdi eGov GPT tsıfrlyq kómekshisi ornatylǵan termınaldar arqyly óz betinshe ala alady. Bul týraly Úkimet otyrysynda QR Premer-mınıstriniń orynbasary – Jasandy ıntellekt jáne tsıfrlyq damý mınıstri Jaslan Mádıev málim etti.
- Sonymen qatar Halyqqa qyzmet kórsetý ortalyqtarynyń jumys formatyn ózgertýdemiz. Jańa halyqtyń tsıfrlyq keńselerinde azamattar qyzmetterdi eGov GPT tsıfrlyq kómekshisi ornatylǵan termınaldar arqyly óz betinshe ala alady. Qajet bolǵan jaǵdaıda konsýltant kómektesedi. Qazir 4 óńirde 5 tsıfrlyq keńse ashyldy. Taǵy 10 óńirde qarjylandyrý máselesi sheshildi, - dedi J.Mádıev.
Onyń aıtýynsha, ákimdikter ǵımarattardy daıyndaýdy aıaqtap, keńselerdi jyl sońyna deıin ashý qajet. Qalǵan alty óńirde jumysty jedeldetip, qarjylandyrýdy qamtamasyz etý jáne keńselerdiń ashylý kúnderin naqty belgileý qajet. Jańa formattaǵy qyzmetter barlyq óńirde qoljetimdi bolýy tıis.
Aıta keteıik, jaqynda QazTech, Ulttyq JI platformasy jáne Digital Qazaqstan týraly jazǵan edik.
