Halyqqa qyzmet kórsetý ortalyqtary «Halyqtyń tsıfrlyq keńseleri» bolyp ózgeredi
ASTANA. KAZINFORM — Eldegi memlekettik basqarýdy tsıfrlyq transformatsııalaý jumystary júıeli júrgizilip keledi jáne oǵan jasandy ıntellekt quraldary keńinen engizilýde. Bul týraly Premer-mınıstrdiń orynbasary — jasandy ıntellekt jáne tsıfrlyq damý mınıstri Jaslan Mádıev aıtyp berdi.
— Ulttyq jasandy ıntellekt platformasy AI-agentterdi əzirleý, aýdarma jasaý, hattamalaý jəne qyzmettik hat-habarlardy daıyndaý úshin paıdalanylýda. e-Otinish AI júıesinde azamattardyń 2 mıllıonnan astam ótinishi JI kómegimen óńdeldi. Biryńǵaı QazTech platformasy tolyq iske qosyldy. Jyl basynan beri platformadan tys jańa aqparattyq júıelerdi əzirleýge moratorıı engizildi. 2027 jyldyń sońyna deıin ortalyq memlekettik organdardyń negizgi aqparattyq júıeleriniń barlyǵyn platformaǵa kóshirý josparlanǵan, — dedi J. Mádıev Úkimettiń búgingi otyrysynda.
Sonymen birge, elimiz eGov jəne eGov Business jańa býynyn damytyp, AI-assıstentter jəne proaktıvti memlekettik qyzmetter modeline kóship jatyr.
— Halyqqa qyzmet kórsetý ortalyqtary Halyqtyń tsıfrlyq keńseleri bolyp jańǵyrtylady. Halyq pen memlekettiń birińǵaı kommýnıkatsııa kanaly retinde AITU ulttyq ekojúıesi damytylyp keledi. Al e-Parliament platformasynyń synaq nusqasy iske qosyldy. Bir palataly Quryltaıdyń jańa modeline beıimdeý jumystary júrgizilýde, — dedi sala mınıstri.
Jasandy ıntellekt jəne tsıfrlyq damý mınıstrligi ishki protsesterdi júıeli AI-transformatsııalaýǵa alǵashqylardyń biri bolyp kóshýde. 151 bıznes-protsess reınjınırıngten ótti. Mınıstrliktiń 300 qyzmetkeri JI daǵdylary boıynsha oqytýdan ótti.
— Mınıstrliktiń 180-nen astam qyzmetkeri vibe coding boıynsha oqýdan ótti. Bul kúndelikti qaıtalanatyn mindetterdi ońtaılandyrýǵa jəne taldamalyq əri anyqtamalyq materıaldardy daıyndaýdy jedeldetýge múmkindik beredi, — dedi J. Mádıev.
Aıta keteıik, búgin jańa Konstıtýtsııa kúshine endi. Jalpyhalyqtyq referendým nátıjesinde qabyldanǵan tarıhı qujat memlekettik basqarý júıesin, qoǵamnyń damý baǵytyn túbegeıli ózgertpek.
Prezıdent qazaqstandyqtardy Jańa Konstıtýtsııanyń kúshine enýimen quttyqtady.
Sondaı-aq Premer-mınıstr Oljas Bektenov barlyq memlekettik jáne qoǵamdyq ınstıtýtty túbegeıli jańǵyrtý bastalǵanyn aıtqan edi.
