Halyqaralyq JI olımpıadasynyń negizin qalaýshy Elena Marınova Qazaqstanǵa alǵys aıtty
ASTANA. KAZINFORM — Halyqaralyq jasandy ıntellekt olımpıadasy (IOAI–International Olympiad in Artificial Intelligence) Elena Marınova dúnıejúzilik ǵylym dodasyn uıymdastyrǵany úshin Qasym-Jomart Toqaevqa, Qazaqstan Úkimetine, sondaı-aq, eldiń Jasandy ıntellekt jáne tsıfrlyq damý mınıstrligine zor alǵysyn bildirdi.
— Halyqaralyq jasandy ıntellekt olımpıadasy (IOAI) Astanada ótip jatqany úlken mártebe. Óıtkeni, Qazaqstan — tsıfrlandyrý jáne JI ekojúıesi qarqyndy damyp kele jatqan el, — dedi ol.
Sonymen qatar, Elena Marınovanyń sózinshe, olımpıada eki jyl buryn alǵash ret Bolgarııada uıymdastyrylǵanda, 33 el qatysqan. Al byltyr Qytaıda ekinshi ret ótkende, 61 memleket ókilderi keldi. Bıyl úshinshi ret Astanada uıymdastyrylyp otyrǵan saıysqa júzden astam elden úmitkerler qatysyp otyr.
— IOAI — álemdegi qarqyndy damyp kele jatqan bilim berý bastamalarynyń biri. Sondaı-aq, mundaı deńgeıde kúrt órkendegen ǵylym Olımpıadasy dúnıe júzinde buryn-sońdy bolǵan joq. Atalǵan jobanyń keleshegi jarqyn dep oılaımyz jáne onyń bolashaǵan Qazaqstansyz elestete almaıtynymyz anyq. Baǵdarlamaǵa zor qoldaý bildirgeni úshin Qazaqstan Prezıdenti Qasym-Jomart Toqaevqa shyn júrekten alǵys aıtamyn, — dedi ol.
IOAI negizin qalaýshysy Qazaqstan Halyqaralyq jasandy ıntellekt olımpıadasyn ótkizý úshin barlyq jaǵdaıdy jasaǵanyn da atap ótti. Bul respýblıkanyń JI ınnovatsııasy, tsıfrlyq transformatsııa jáne aldyńǵy qatarly ınfraqurylym baǵyttaryndaǵy zor murattary bar ekenin bildiredi.
— Qazaqstan jáne IOAI daryndy shyńdaýǵa, bilimdi jetildirýge jáne úzdik tsıfrlyq ınfraqurylymǵa ınvestıtsııa quıyp jatyr. Osyndaı jahandyq mańyzdy is-sharany uıymdastyrǵany úshin Qazaqstan Úkimetine, sondaı-aq, eldiń Jasandy ıntellekt jáne tsıfrlyq damý mınıstrligine alǵysymyz sheksiz, — dedi ol.
Aıta keteıik, buǵan deıin JI olımpıadasyna qatysatyn balalardyń mıllıarder bolý múmkindigi 1,5 myń ese joǵary ekenin jazǵanbyz.
