«Halyqaralyq jarysqa qatysý úshin sportshylardy ashyq irikteý bolmaǵan»: Sport salasyndaǵy jemqorlyq máselesine taldaý júrgizildi
ASTANA. KAZINFORM - Sybaılas jemqorlyqqa qarsy qyzmet Týrızm jáne sport mınıstrligimen birlesip sportty qarjylandyrý salasyndaǵy jemqorlyq táýekelderine syrtqy taldaý júrgizdi.
Vedomstvo málimetinshe, halyqaralyq jarystarǵa qatysý úshin sportshylardy ashyq irikteý jumysy júrgizilmegen.
«Joǵary jetistikter sport salasynda protsesterdi tsıfrlandyrý múldem joq. 2020 jyly E-sport ulttyq tsıfrlyq platformasyn engizýge josparlanǵan ázirleý júrgizilgen joq. Nátıjesinde beıindi mınıstrlik qazaqstandyq sporttyń jaı-kúıi týraly tolyq derekterdi bilmeıdi, júldegerlerdiń, sport ǵımarattarynyń, sport sektsııalary men jattyqtyrýshylardyń biryńǵaı esebin júrgizbeıdi. Tsıfrlandyrýdyń bolmaýy jalǵan sportshylarǵa sporttyq ataqtar berýge, jarystarǵa qatysý úshin sportshylardy ashyq emes jáne sýbektıvti irikteýge yqpal etedi», - delingen habarlamada.
Atalǵan faktorlardyń saldarynan mundaı jaǵdaı úlestes jetkizýshilerdi irikteýmen, oqý-jattyǵý jıyndary men sport obektilerin jalǵa alýdyń jalǵandyǵymen, legıonerlerge eńbekaqyny asyra baǵalaýmen, qosarlanǵan qarjylandyrýmen ushtasqan bıýdjet qarajatynyń baqylaýsyz ıgerilýine alyp keldi.
Taldaý qorytyndysy boıynsha sportty damytý basymdyqtaryn qaıta qaraý, buqaralyq jáne balalar sportyna bıýdjetti ulǵaıtý, qarjylandyrýdy ortalyqtandyrý, óz ınfraqurylymyn jáne balalar akademııalaryn damytý, sondaı-aq tsıfrlandyrýdy engizý boıynsha usynymdar engizildi.
Antıkor sport salasyndaǵy keleńsizdikterdi jarııalaǵanyn jazǵan bolatynbyz.
