Halyqaralyq jáne respýblıkalyq mańyzy bar joldarǵa «KAZ» jáne «KZ» geokodtary berildi

ASTANA. KAZINFORM – «KAZ» ındeksi elimizdiń birneshe óńiri arqyly ótetin 23 avtomobıl jolyna beriledi. Al bir óńir shegindegi respýblıkalyq mańyzdy bar 88 jolda «KZ» ındeksi qoldanylady. Bul týraly Kólik mınıstrligi málim etti. 

Halyqaralyq standarttaý uıymynyń ISO 3166-2 standartyna sáıkes, KAZ» jáne «KZ» geokodtary resmı túrde Qazaqstan Respýblıkasyn bildiredi. Bul kodtar ınternet-domenderde, memlekettik qujattarda, esep-qısap qujattamalarynda jáne avtomobıl nómirlerinde keńinen qoldanylady. Olar elimizdiń ishinde de, shetelde de tanymal. Osyǵan baılanysty Qazaqstanda KAZ» jáne «KZ» ındeksteri halyqaralyq jáne respýblıkalyq mańyzy bar avtomobıl joldary úshin bekitilgen.

«KAZ» ındeksi birneshe óńir arqyly ótetin 23 avtomobıl jolyna beriledi. Máselen, Qaraǵandy arqyly ótetin Astana men Almaty arasyndaǵy jol KAZ01, al Astana-Kókshetaý-Petropavl-RF shekarasy joly KAZ02 ındeksimen belgilenedi.

«KZ» ındeksi bir óńir sheginde ornalasqan 88 respýblıkalyq mańyzy bar 88 jolda qoldanylady. Aıtalyq, Aqtóbe oblysy aýmaǵyndaǵy «Qandyaǵash-Embi-Shalqar-Yrǵyz» joly KZ04-02 ındeksien aldy. Mundaǵy «04» óńirdi, al «02» oblys shegindegi joldyń rettik nómirin bildiredi.

Halyqarlyq kelisim aıasynda berilgen «E» jáne «AN» syndy avtomobıl joldarynyń ındeksi ózgerissiz qalady. Bul halyqaralyq kólik júıesindegi rettilikti jáne tranzıttik qozǵalys úshin qolaılyqty qamtamasyz etedi.