Halyqaralyq izdeýdegi Ulan Baıbolov Koreıadan Qazaqstanǵa jetkizildi
ASTANA. KAZINFORM — Qarjylyq monıtorıng agenttigi Interpol qoldaýymen buǵandeıin halyqaralyq izdeý jarııalanǵan Ulan Muhtaruly Baıbolovty Koreıa Respýblıkasynan Qazaqstanǵa qaıtardy.
Tergeý derekterine sáıkes, U.M. Baıbolov salyqtar menbıýdjetke tólenetin basqa da mindetti tólemderdi júıeli túrde tóleýden jaltarýmen aınalysqan uıymdasqan qylmystyq toptyń múshesi bolǵan.
— Qylmystyq áreket mynadaı jolmen júzege asyrylǵan: kásiporyndar satyp alynyp, jalǵan basshylardyń atyna qaıta tirkelgen, olardyń bank shottary arqyly qarjy operatsııalary júrgizilgen, salyq eseptiligine kórineý burmalanǵan málimetter engizilip, keıin qarajat qolma-qol aqshaǵa aınaldyrylǵan, — dep habarlady agenttikten.
Osy tásilde paıdalanylǵan kásiporyndardyń biri «Sfera»JShS. 2014 jyly U.M. Baıbolov atalǵan seriktestik dırektorynyń orynbasary qyzmetine taǵaıyndalǵan.
— Nátıjesinde top músheleri seriktestiktiń esep aıyrysý shottarynan 2,5 mlrd teńgeden astam qarajatty qolma-qol aqshaǵa aınaldyrǵan. Budan bólek, qosymsha eseptelgen salyq kólemi 1 mlrd teńgeden asqan, — delingen habarlamada.
Sot kúdiktige qatysty qamaýda ustaý túrindegi bultartpaýsharasyn sanktsııalady. Tergeý jalǵasyp jatyr. Qazaqstan Respýblıkasy Qylmystyq-protsestik kodeksiniń 201-babyna sáıkes ózge aqparat jarııa etilmeıdi.
Qazaqstan Respýblıkasy Konstıtýtsııasynyń 19-babynyń 1-tarmaǵyna jáne Qazaqstan Respýblıkasy Qylmystyq-protsestik kodeksiniń 19-babynyń birinshi bóligine sáıkes, adamnyń qylmystyq quqyq buzýshylyq jasaǵany úshin kináli ekeni zańdy kúshine engen sot úkimimen anyqtalǵanǵa deıin ol kinásiz dep esepteledi.
Aıta keteıik, buǵan deıin Qazaqstan Respýblıkasynyń Bas prokýratýrasy men Qarjylyq monıtorıng agenttiginiń qyzmetkerleri Qazaqstannyń Vetnam Sotsıalıstik Respýblıkasyndaǵy Elshiliginiń qoldaýymen qumar oıyndaryn jarnamalaǵan kúdikti Qaısar Qamzany ekstradıtsııalaǵan bolatyn.
