Halyqaralyq izdeýdegi qazaqstandyq Túrkııada ustalyp, elge qaıtaryldy
ASTANA. KAZINFORM — Alaıaqtyq jasady degen kúdikpen halyqaralyq izdeýde júrgen er adam Túrkııadan deportatsııalandy, dep habarlaıdy Polisia.kz.
19 maýsym kúni Túrkııa Respýblıkasynan Qazaqstanǵa birneshe alaıaqtyq qylmystaryn jasady degen kúdikpen halyqaralyq izdeýde júrgen er adam jetkizildi.
Іzdeýde júrgen er adam Qazaqstan ІІM Interpol Ulttyq ortalyq bıýrosynyń suraýy boıynsha Túrkııanyń Samsýn qalasynda ustalǵan. Ony Qazaqstanǵa qaıtarýdy uıymdastyrýda QR ІІM-niń Túrkııa Respýblıkasyndaǵy ókili men Qazaqstan Respýblıkasynyń Elshiligi ózara is-qımyl jasap, eleýli kómek kórsetti.
— Tergeý málimeti boıynsha kúdikti 2024 jyldyń qyrkúıek-jeltoqsan aılary aralyǵynda aqparattyq júıeler men Instagram áleýmettik jelisindegi akkaýntyn paıdalanyp, Atyraý qalasynyń eki turǵynynyń úsh mıllıon teńgeden astam qarajatyn aldap ıemdengen. Kúdikti ustalyp, Almaty qalasy polıtsııa departamentiniń ýaqytsha ustaý ızolıatoryna qamaldy, — deıdi tártip saqshylary.
Aıta keteıik, Qazaqstan Respýblıkasy Іshki ister mınıstrligi jaýapkershilikten jaltaryp, elimizden tys jerde júrgen adamdardy anyqtaý jáne olardy ustaý boıynsha jumysty jalǵastyrady.
Osydan buryn jıyrma jyl boıy izdeýde júrgen kúdikti Qazaqstanǵa ekstradıtsııalanǵanyn jazǵanbyz.
