09:45, 11 Qyrkúıek 2025 | GMT +5
Halyqaralyq izdeýde júrgen kúdikti Grýzııada ustaldy
ASTANA. KAZINFORM — Qazaqstan ІІM Interpoldyń Ulttyq ortalyq bıýrosynyń suraýy negizinde Grýzııanyń Rýstavı qalasynda halyqaralyq izdeýde júrgen azamat ustaldy.
Ol Qylmystyq kodeksiniń 367-baby 2-bóligi boıynsha, laýazymdy tulǵaǵa para berý áreketin jasaǵany úshin aıyptalyp otyr.
Tergeý dereginshe, kúdikti 2019 jyly qylmystyq jaýapkershilikten jaltarý maqsatynda quqyq qorǵaý organynyń qyzmetkerine 400 AQSh dollary kóleminde para bergen.
Buǵan deıin júrgizilgen tekserý barysynda kúdiktige tıesili massaj salonynyń atymen jezókshelik qyzmet kórsetilgeni anyqtalǵan. Qazirgi ýaqytta ustalǵan azamat Grýzııa aýmaǵynda qamaýǵa alyndy.
Aıta ketelik halyqaralyq izdeýde bolǵan qazaqstandyq Mysyrda ustaldy.