Halyqaralyq izdeýde júrgen kúdikti Chehııada ustaldy
ASTANA. KAZINFORM – Asa iri alaıaqtyq jasady degen kúdikti Chehııadan ekstradıtsııalandy. Bul týraly Bas prokýratýranyń baspasóz qyzmeti habarlady.
Kúdiktini búgin Bas prokýratýra, ishki ister mınıstrligi Qazaqstannyń syrtqy ister mınıstrligimen birlese ekstradıtsııalady.
«Ol 2021 jyldyń kókteminde jábirlenýshige halyq tutynatyn taýarlardy Qazaqstannan Reseıge tasymaldaý qyzmetin usynyp, ony aldap 19 mıllıon teńgeniń taýaryn ıemdengen. Ony basqa tulǵalarǵa satyp, aqshasyn jymqyrdy degen kúdikke ilingen. Qylmys jasaǵannan keıin kúdiktiniń jasyrynýyna baılanysty ol halyqaralyq izdeýge jarııalandy» - delingen habarlamada.
2024 jyldyń qańtarynda ol Chehııada ustaldy. Qazir kúdikti ýaqytsha ustaý ızolıatoryna qamaldy. Endi ol 5 jyldan 10 jylǵa deıin bas bostandyǵynan aıyrylýy múmkin.
