Halyqaralyq izdeýde bolǵan qazaqstandyq Mysyrda ustaldy

ASTANA. KAZINFORM — Qazaqstan ІІM Interpol Ulttyq ortalyq bıýrosynyń suraýy boıynsha Mysyr astanasy Kaır qalasynda halyqaralyq izdeýde júrgen qazaqstandyq azamat ustaldy. Ol krımınaldyq polıtsııa qyzmetkerlerimen Shymkent qalasyna jetkizildi. Bul týraly Polisia.kz jazdy. 

— 2023 jyly er adam basqa adamdarmen sóz baılasyp, jábirlenýshilerdiń atyna avtokólikterdi nesıege rásimdep, keıin olardy úshinshi tulǵalarǵa satqan. Osy boıynsha polıtsııaǵa 105 adam aryzdanǵan. Keltirilgen jalpy materıaldyq shyǵyn 1,5 mıllıard teńgeden asty, — delingen habarlamada.

Kúdiktige qatysty Qazaqstan Respýblıkasy Qylmystyq kodeksiniń kelesi baptary boıynsha qylmystyq is qozǵaldy: 190-baptyń 4-bóligi — asa iri kólemde jasalǵan alaıaqtyq; 262-baptyń 1-bóligi — uıymdasqan top, qylmystyq uıym qurý jáne olarǵa basshylyq etý, sol sııaqty olarǵa qatysý; 217-baptyń 1-bóligi — qarjylyq (ınvestıtsııalyq) pıramıdany qurý jáne oǵan basshylyq etý.

Tergeý amaldary jalǵasyp jatyr. 

Buǵan deıin asa aýyr qylmys jasaǵany úshin kúdikti Ázerbaıjannan ekstradıtsııalanǵan bolatyn.