Halyqaralyq volonterler jyly aıasynda Togo men Nıgerııada qoǵamdyq bastamalar damyp keledi
ASTANA. KAZINFORM – Memleket basshysy Qasym-Jomart Toqaevtyń bastamasymen BUU Bas Assambleıasy jarııalaǵan Halyqaralyq volonterler jyly aıasynda álemniń túkpir-túkpirinde birqatar is-shara ótip jatyr. Bul týraly Mádenıet jáne aqparat mınıstrligi habarlady.
Batys jáne Ortalyq Afrıka elderinde de bul baǵyttaǵy jumystar qarqyn alǵan. Togoda Halyqaralyq volonterler jyly aıasyndaǵy bastamalardy úılestirýmen Volonterlikti damytý jónindegi ulttyq agenttik (ANVT) aınalysady. Uıym Batys jáne Ortalyq Afrıka memleketteri arasyndaǵy yntymaqtastyqty nyǵaıtyp, volonterlik baǵdarlamalardyń tıimdiligin arttyrý maqsatynda oqytý is-sharalary men tájirıbe almasý baǵdarlamalaryn uıymdastyrady.
2026 jylǵy maýsymda óńirlik forým ótkizý josparlanǵan. Onda qatysýshy elderdiń ókilderi volonterlik qyzmet týraly derekterdi jınaý, baǵdarlamalardyń nátıjeliligin baǵalaý jáne volonterlik bastamalardy qoldaý máselelerin talqylaıdy.
Nıgerııada Halyqaralyq volonterler jyly aıasyndaǵy jumysty Nıgerııa ulttyq volonterlik qyzmeti (NNVS) úılestiredi. Uıym jastardy volonterlik qyzmetke tartýǵa, tsıfrlyq jáne kásibı volonterlikti damytýǵa, sondaı-aq volonterlerdiń eńbegin esepke alý jáne baǵalaý tetikterin jetildirýge erekshe kóńil bólip otyr.
Togo men Nıgerııanyń tájirıbesi Halyqaralyq volonterler jylynyń azamattyq belsendilikti arttyrýǵa, tájirıbe almasýǵa jáne volonterlik qozǵalystyń áleýetin nyǵaıtýǵa yqpal etip otyrǵanyn kórsetedi.
Aıta keteıik, Qazaqstanda sońǵy alty jylda volonterlik uıymdar sany 4 ese ósti.
