Halyqaralyq týrnırde tórt qazaqstandyq boksshy júlde aldy

ASTANA. KAZINFORM – Bul kúnderi Serbııa astanasy Belgradta bokstan dástúrli Branko Peshıch memorıaly ótip jatyr. Atalǵan týrnırde Qazaqstan quramasynan 12 boksshy el namysyn qorǵaýda.

Jerebeniń qorytyndysyna sáıkes, qazaqstandyq boksshylardyń tórteýi jarysty jartylaı fınaldan bastaıtyn boldy. Demek, tórt boksshymyz jekpe-jeksiz medalǵa iligip tur.

Naqtyraq aıtsaq, Sanjar Táshkenbaı (51 keli), Daýlet Moldashev (54 keli) pen Oljas Boqaev (+92 keli) týrnırdi jartylaı fınaldan bastamaq. Al 48 kelige deıingi salmaqta Ernur Qaırat birden fınalda judyryqtasady. Onyń salmaǵynda boksshylar tolyq kelmegen.

Halyqaralyq týrnırge álemniń 16 elinen 106 sportshy qatysady dep josparlanǵan. Jarys 17 naýryzǵa deıin jalǵasady.

«Belgrade winner» týrnırine qatysyp jatqan qazaqstandyq boksshylar:

48 keli - Ernur Qaırat,

51 keli - Sanjar Táshkenbaı,

54 keli - Dáýlet Moldashev,

57 keli - Orazbek Asylqulov,

60 keli - Beıbarys Jeksen,

63,5 keli - Erasyl Tańqaı,

71 keli - Sabyrjan Aqqalyqov,

75 keli - Dıas Moljigitov,

80 keli - Erasyl Jakpekov,

86 keli - Temirlan Muqataev,

92 keli - Danııar Rahymberdınov,

+91 keli - Oljas Boqaev.