Halyqaralyq teatr festıvali: úzdikter anyqtaldy
ASTANA. KAZINFORM — Halyqaralyq teatr óner dodasyna Ózbekstan, Qyrǵyz Respýblıkasy jáne Ázerbaıjannyń teatr ujymdary, sondaı-aq Astana qalasynyń jetekshi teatrlary men Mańǵystaý, Aqmola, Túrkistan, Atyraý, Ulytaý jáne basqa da óńirlerdiń teatrlary qatysty.
2026 jyldyń 1-7 qazan kúnderi aralyǵynda ótken Qazaqstannyń Halyq artısi, «Parasat», «Qurmet» ordenderiniń ıegeri, kórnekti teatr jáne kıno aktrısasy, Qazaqtyń Qyz Jibegi Merýert Ótekeshevanyń 75 jasyna arnalǵan «TEATR ALL» IV Halyqaralyq teatr festıvali óz máresine jetti.
Halyqaralyq teatr óner dodasyna Ózbekstan, Qyrǵyz Respýblıkasy jáne Ázerbaıjannyń teatr ujymdary, sondaı-aq Astana qalasynyń jetekshi teatrlary men Mańǵystaý, Aqmola, Túrkistan, Atyraý, Ulytaý jáne basqa da óńirlerdiń teatrlary qatysty.
Qazylar alqasynyń sheshimimen birqatar teatr ujymdary men óner maıtalmandary festıvaldiń arnaıy atalymdary men júldelerine ıe boldy.
«Úzdik qoıylym» nomınatsııasy boıynsha Ǵ.Músirepov atyndaǵy Qazaq memlekettik akademııalyq balalar men jasóspirimder teatrynyń «Ulpan» spektakli úzdik dep tanyldy.
«Úzdik akterlik ansambl» nomınatsııasy B.Kydykeeva atyndaǵy Qyrǵyz memlekettik jas kórermen teatrynyń «Jámılá»spektakline berildi.
«Úzdik rejıssýra» nomınatsııasyn N.Jantýrın atyndaǵy Mańǵystaý oblystyq sazdy drama teatrynyń «Toı» spektaklin qoıǵan rejısser Dına Jumabaeva ıelendi.
«Úzdik er adam beınesi» atalymynda Mýzykalyq jas kórermen teatrynyń «Shákárim» spektaklindegi Shákárim róli úshin Aıan Ótepbergen marapattaldy.
«Úzdik áıel adam beınesi» nomınatsııasy M.Gorkıı atyndaǵy memlekettik akademııalyq orys drama teatrynyń «Sotvorıvshaıa chýdo ılı chto takoe lıýbov?» spektaklindegi Annı rolin somdaǵan Polına Harlamovaǵa tabystaldy.
«Úzdik akterlik dýet» júldesine Ózbekstan memlekettik drama teatrynyń «Láıli men Májnún» spektaklindegi Láıli men Májnún rolderin somdaǵan Nodır Mýhammadjonov pen Hýsnııa Týramýrotova ıe boldy.
«Úzdik stsenografııa» atalymy Q.Qýanyshbaev atyndaǵy Qazaq ulttyq mýzykalyq drama teatrynyń «Anna Karenına. Roman paraqtary» spektakli úshin Qanat Maqsutovqa berildi.
«Spektakldiń úzdik mýzykasy» júldesin Aqmola oblystyq orys drama teatrynyń «Vystrel na perevale Karash»spektakli úshin Batyrhan Sabyr ıelendi.
«Ekinshi plandaǵy úzdik er adam beınesi» atalymynda Asanáli Áshimov teatrynyń «Tomırıs» spektaklindegi Bahtııar róli úshin Muhtar Qosybaı marapattaldy.
«Ekinshi plandaǵy úzdik áıel adam beınesi» júldesi N.Jantýrın atyndaǵy Mańǵystaý oblystyq sazdy drama teatrynyń «Toı»spektaklindegi Emma rólin somdaǵan Gıýl Zııatovaǵa tabystaldy.
Festıvaldiń arnaıy júldeleri de óz ıelerin tapty.
«Asanáli Áshimov atyndaǵy júlde» S.Qojamqulov atyndaǵy Ulytaý oblystyq sazdy drama teatrynyń «Makbet» spektaklindegi Makbet róli úshin Nurjan Beısbekovke berildi.
«Hadısha Bókeeva atyndaǵy júldege» Atyraý Jastar teatrynyń «Qaraly sulý»spektaklindegi Qarakóz roli úshin Gúldana Kósherbaeva ıe boldy.
«Quman Tastanbekov atyndaǵy júlde» «M.Teatr» táýelsiz teatrynyń (Ázirbaıjan Respýblıkasy) «Ovod»spektaklindegi Artýr roli úshin Zııa Agaǵa tabystaldy.
«Merýert Ótekesheva atyndaǵy júlde» Q.Qýanyshbaev atyndaǵy Qazaq ulttyq mýzykalyq drama teatrynyń «Anna Karenına. Roman paraqtary» spektaklindegi Anna Karenına róli úshin Aqmaral Tanabaevaǵa berildi.
Sonymen qatar festıvaldiń kásibı baǵyttaǵy arnaıy atalymdary boıynsha da jeńimpazdar anyqtaldy.
«Úzdik baletmeıster» atalymynyń ıegeri — Astana qalalyq tsırkiniń «Contrasst» bı teatrynyń «Metamarfozy»spektaklindegi jumysy úshin Karına Jırenbaeva.
«Rejıssýradaǵy jańa esim» atalymy R.Seıtmetov atyndaǵy Túrkistan qalasynyń sazdy drama teatrynyń «Qatynqamal»spektakli úshin Nurjan Іztaevqa berildi.
«Úzdik epızodtyq rol» (er adam) atalymynda «Qanattylar» ınklıýzıvti teatrynyń «Abaı-LA»spektaklindegi Adam róli úshin Islam Maǵytanov marapattaldy.
Al «Úzdik epızodtyq rol» (áıel adam) júldesin Á.Mámbetov atyndaǵy memlekettik drama jáne komedııa teatrynyń «Tanakóz» spektaklindegi Nurgúl apa róli úshin Bıbigúl Isalıeva ıelendi.
