Halyqaralyq tasymaldaýshylarǵa jańa talap: keminde 50% júk kóligi óz menshiginde bolýy tıis
ASTANA. KAZINFORM – QR Kólik mınıstrliginiń Avtomobıl kóligi jáne kóliktik baqylaý komıteti salalyq qaýymdastyqtar jáne bıznes-qoǵamdastyqtarmen birlesip halyqaralyq avtomobıl tasymaldaryna ruqsat berý júıesin jetildirý máseleleri boıynsha keńes ótkizdi.
Jıyn barysynda salanyń ózekti jáne problemalyq máseleleri qaraldy, onyń ishinde memlekettik shekaradaǵy ótkizý beketterinen ótý máseleleri talqylandy. Sonymen qatar retteýshilik áserge taldaý júrgizý aıasynda halyqaralyq tasymaldarǵa qatysý erejelerine usynylatyn ózgerister qaraldy.
– Normatıvtik bazany jańartý zamanaýı jaǵdaılarǵa beıimdelýge jáne tasymaldaýshylar qyzmetiniń ashyqtyǵyn arttyrýǵa baǵyttalǵan. Negizgi jańalyq – tasymaldaýshyda keminde 50% ózine tıesili júk kólikteriniń bolýy tıis degen talaptyń engizilýi. Sonymen qatar protsesterdi tsıfrlandyrý, ruqsattardy esepke alý jáne taratý júıesin jetildirý sharalary kózdelgen, bul júıeniń ashyqtyǵyn arttyrýǵa múmkindik beredi, – delingen habarlamada.
Keńes qorytyndysy boıynsha qatysýshylar usynylǵan tásilderdi qoldady, sondaı-aq reformalardy iske asyrý kezinde odan ári dıalogtyń mańyzdylyǵyn atap ótti.
Aıta keteıik, 3,5 tonnadan asatyn tasymal úshin qujattardy KQBBJ júıesinde mindetti tirkeý engiziledi.
