Halyqaralyq sý uıymyn qurý ıdeıasy Taılandta usynyldy
ASTANA.KAZINFORM — Qazaqstan Respýblıkasynyń Taıland Koroldigindegi Tótenshe jáne Ókiletti Elshisi, Qazaqstan Respýblıkasynyń BUU Azııa jáne Tynyq muhıtyna arnalǵan Ekonomıkalyq jáne áleýmettik komıssııasy (BUU AzTMEÁK) janyndaǵy Turaqty ókili Marǵulan Baımuhan Taıland Koroldigi Syrtqy ister mınıstrligi Halyqaralyq uıymdar departamentiniń Bas dırektory Pınsýda Djaıanamamen kezdesti. Bul týraly SІM málim etti.
Taraptar kópjaqty yntymaqtastyq máselelerin, sondaı-aq BUU jáne basqa da halyqaralyq uıymdar sheńberindegi ózara is-qımyldy talqylady.
Turaqty damý, sý qaýipsizdigi, azyq-túlik qaýipsizdigi jáne klımattyń ózgerýine beıimdelý máselelerine erekshe nazar aýdaryldy.
M.Baımuhan taı tarapyn Qazaqstan Respýblıkasynyń Prezıdenti Qasym-Jomart Toqaevtyń BUU aıasynda Halyqaralyq sý uıymyn qurý jónindegi bastamasy týraly habardar etti. Atalǵan bastama sý resýrstaryn basqarý salasyndaǵy halyqaralyq yntymaqtastyq pen úılestirýdi nyǵaıtýǵa baǵyttalǵany atap ótildi.
— Kezdesý barysynda taraptar Qazaqstan men Taıland arasyndaǵy qatynastardyń dáıekti damýyn jáne eki eldiń syrtqy saıası vedomstvolary arasyndaǵy syndarly ózara is-qımyldy rastady. Qazaqstan Elshisi Taıland Syrtqy ister mınıstrligine 2026 jylǵy mamyrda ótken Qazaqstan–Taıland bıznes-forýmyn uıymdastyrýǵa kórsetken qoldaýy, sondaı-aq BUU AzTMEÁK alańyndaǵy qazaqstandyq delegatsııalarǵa járdem kórsetkeni úshin rızashylyǵyn bildirdi, — delingen habarlamada.
Kezdesý qorytyndysy boıynsha taraptar ekijaqty jáne kópjaqty yntymaqtastyqtyń barlyq baǵyty boıynsha dıalogty jalǵastyrýǵa daıyn ekendikterin rastady.
Qasym-Jomart Toqaev Saýd Arabııasynyń astanasynda ótip jatqan One Water sammıtiniń ashylý saltanatynda sóz sóılep, sý qaýipsizdigin nyǵaıtýǵa baǵyttalǵan sharalardy birlesip qabyldaýǵa shaqyrǵan bolatyn.
