Halyqaralyq sý uıymyn qurý bastamasy óte ózekti – Prezıdent
ASTANA. KAZINFORM – Halyqaralyq sý uıymyn qurý jónindegi halyqaralyq konsýltatsııalardyń birinshi kezeńi ótedi. Bul týraly elordadaǵy Óńirlik ekologııalyq sammıtte Memleket basshysy Qasym-Jomart Toqaev málim etti.
– Óńirlik deńgeıdegi bastamalardan bólek, biz sý resýrstary salasynda jahandyq yqpaldastyqty keńeıtýge basymdyq beremiz. Byltyr jeltoqsan aıynda Ashhabadta BUU agenttigi retinde qyzmet etetin Halyqaralyq sý uıymyn qurý jóninde usynys jasadym. Atalǵan bastama óte ózekti. Óıtkeni qazirgi kezde BUU jahandyq basqarýdyń birizdiligi men tıimdiligin arttyrý úshin myńdaǵan mandatty qaıta saralap jatyr. Búgingi sammıt aıasynda bul usynysqa qatysty halyqaralyq konsýltatsııalardyń birinshi kezeńi ótetinine qýanyshtymyn, - dedi Qasym-Jomart Toqaev.
Aıta keteıik, sammıt kezinde Mońǵolııa Prezıdenti Qazaqstan Prezıdenti Qasym-Jomart Toqaevtyń BUU quramynda Halyqaralyq sý uıymyn qurý usynysyn qoldaıtynyn atap ótti.
Budan buryn habarlanǵandaı, búgin elordada Memleket basshysy Qasym-Jomart Toqaevtyń qatysýymen «Ornyqty bolashaqqa ortaq kózqaras» taqyrybymen Óńirlik ekologııalyq sammıt (ÓES) jumysyn bastady.
