Halyqaralyq sotta Qazaqstanǵa qatysty 20 is qaralyp jatyr – Ádilet mınıstrligi

ASTANA. KAZINFORM – Ádilet mınıstrliginiń óndirisinde jalpy talap somasy 7,5 mlrd AQSh dollarynan asatyn 20 is bar. Bul týraly Ádilet mınıstrligi Memlekettiń múlik quqyǵyn qorǵaý departamenti dırektorynyń mindetin atqarýshy Erlan Musabaev málim etti.

Ádilet mınıstrligi Úkimettiń tapsyrmasy boıynsha memleket múddesin halyqaralyq arbıtrajda jáne sheteldik sot ınstantsııasynda qorǵaýdy jáne usynýdy qamtamasyz etedi.

Ádilet mınıstrliginiń ókili Erlan Musabaevtyń málimdeýinshe, búginde vedomstvo óndirisinde jalpy somasy 7,5 mlrd AQSh dollarynan asatyn 20 is bar.

Onyń ishinde:

- 13 is halyqaralyq arbıtraj;

- 5 is sheteldik sot;

- 2 is cotqa deıingi satyda qaralyp jatyr.

- Bıyl 28 aqpanda «World Wide Minerals» kanadalyq ýran kompanııasynyń Qazaqstanǵa qarsy 2013 jyldan bastap jalǵasqan daýy boıynsha London Joǵarǵy soty Qazaqstan úshin oń sheshim shyǵardy, bul shamamen 65 mln AQSh dollaryn tóleýi kerek bolǵan 2024 jylǵy sheshimniń kúshin joıdy. WWM talaptary QR Úkimeti 1997 jyly ýran eksportyna lıtsenzııa berýden bas tartqan jáne Tselınograd taý-hımııa kombınatyn senimgerlik basqarý shartyn buzǵan degen málimdemege negizdelgen, - deıdi spıker.

Eske salaıyq, jyl basynda Memleket basshysy Qasym-Jomart Toqaev halyqaralyq sot ákimshiligi qaýymdastyǵynyń (IASA) basshysyn qabyldady.