Halyqaralyq «Silk Way Star» baıqaýynyń 12 qatysýshysy túgel Astanaǵa keldi
ASTANA. KAZINFORM — Astana halyqaralyq televızııalyq «Silk Way Star» mega-jobasynyń juldyzdaryn qarsy aldy.
Elordaǵa baıqaýǵa qatysatyn ónerpazdardyń barlyǵy da kelip jetti. Alǵashqylardyń biri bolyp Qytaı eliniń ókili taban tirese, birneshe saǵat buryn Malaızııadan kelgen qatysýshyny qarsy alý rásimi ótti. Endi qatysýshylar tolyq quramda, al úlken shoýǵa daıyndyq qyzý júrip jatyr.
• Avtandıl Abeslamıdze (Grýzııa)
• Chjan He Sıýan (Qytaı)
Kún tártibi mınýttap belgilengen: kásibı mýzykalyq bendpen daıyndyqtar, sahnalyq kıimderdi kıip kórý, horeografııa men vokaldyq partııalardy pysyqtaý. Al uıymdastyrýshylar qupııany saqtap otyr. Qatysýshylar bir-biriniń repertýarymen tanys emes. Munyń barlyǵy ónerpazdardyń sahnadaǵy alǵashqy óner kórsetý sátin naǵyz sensatsııaǵa aınaldyrý úshin jasalǵan.
• Fahrıddın Hakımov (Tájikstan)
• Sabına Zade (Ázerbaıjan)
Baıqaý barysynda qazaq mádenıetine de erekshe nazar aýdarylmaq: ónerpazdar qazaq tilindegi ánderdi oryndaýǵa daıyndalyp jatyr. Bul — elimizdiń baı murasyn qurmetteýdiń ǵana emes, jobadaǵy ulttyq mádenıetterdiń san alýandyǵyn kórsetýdiń de aıqyn belgisi.
• Tamga (Qyrǵyzstan)
Kún josparynyń tyǵyzdyǵyna qaramastan, qatysýshylardyń kóńil-kúıi kóterińki. Olar elordanyń qonaqjaılyǵyn atap ótip, bos ýaqyt tabylsa, Astananyń kórikti jerlerimen tanysýdy josparlap otyr.
• Mıshel Djozef (Mońǵolııa)
• Saro Gevorgıan (Armenııa)
«Silk Way Star» baıqaýy árbir qatysýshy úshin jaı ǵana sahnalyq jarys emes. Bul — ózin álemdik deńgeıde tanytýǵa, týǵan elin abyroımen tanystyrýǵa berilgen múmkindik. Alda eń qyzý daıyndyq kúnderi tur, sondyqtan ónerpazdar júz paıyz kúsh-jigerin jumsap, kórermenge Uly Jibek jolynyń qaıtalanbas erekshe mýzyka ónerin pash etpek.
• Madınaboný Adylova (Ózbekstan)
• ıAzmın Azız (Malaızııa)
• «Kandis» toby (Ońtústik Koreıa)
• Dovran Shammyev (Túrikmenstan)
• Alem (Qazaqstan)
Aıta keteıik, halyqaralyq «Silk Way Star» baıqaýy Azııanyń birneshe elderiniń telearnalarynda kórsetiledi. Qazaqstan atynan baıqaýǵa ánshi Alem qatysady.