Halyqaralyq sarapshylar qazaqstandyq restavratorlarǵa dáris ótkizdi
ASTANA. KAZINFORM – QR Ulttyq kitaphanasynda Qazaqstan men Ózbekstan kitaphanalaryndaǵy jazba murany saqtaý baǵytyndaǵy halyqaralyq joba aıasynda tájirıbelik sabaqtar uıymdastyryldy. Bul týraly Mádenıet jáne aqparat mınıstrligi habarlady.
Jobanyń maqsaty – Ortalyq Azııadaǵy jazba murany saqtaý men qalpyna keltirý isimen aınalysatyn mamandardyń kásibı biliktiligin jetildirý.
Dáristerdi Grekııa men Túrkııadan kelgen halyqaralyq sarapshylar júrgizdi. Oqytýǵa Qazaqstannyń ár óńirinen kelgen 30 restavrator qatysty. Bes kún boıy qatysýshylar kóne qoljazbalardy saqtaý men qalpyna keltirýdiń zamanaýı tásilderin, tarıhı kitap túpteý erekshelikterin zertteý jáne jazba muralardy qalpyna keltirý ádisterin meńgerdi.
Bul bastama qundy qoljazbalardy saqtaýǵa, restavratorlardyń kásibı deńgeıin arttyrýǵa jáne halyqaralyq ǵylymı yntymaqtastyqty damytýǵa baǵyttalǵan.
Eske sala keteıik, buǵan deıin elimizdiń qaı óńiri kitaphana sany boıynsha kósh bastap turǵanyn jazǵanbyz.