Halyqaralyq reısterdiń jolaýshylary duty free taýarlaryn tegin alyp óte alady
ALMATY. KAZINFORM — 2025 jylǵy 1 qazannan bastap halyqaralyq reısterdiń jolaýshylary duty free taýarlaryn qol júginde tegin alyp óte alady. Bul týraly Bas kólik prokýratýrasynyń baspasóz qyzmeti habarlady.
Almaty qalasynyń áýe kóligi prokýratýrasy FlyArystan áýe kompanııasynyń qol júginde duty free dúkenderinen alynǵan taýarlardy tasymaldaý tártibine ózgerister engizýge qol jetkizdi.
Áýe kompanııasynyń qyzmetin taldaý barysynda duty free saýdasynan satyp alynǵan ónimderdi tegin tasymaldaýǵa qatysty shekteýlerdiń zańǵa qaıshy ekeni anyqtaldy. Prokýrorlyq qadaǵalaý aktisiniń nátıjesinde FlyArystan óz ishki qaǵıdalaryn túzetti.
— 2025 jylǵy 1 qazannan bastap halyqaralyq reısterdiń jolaýshylary duty free taýarlaryn qol júginde tegin alyp óte alady. Jańartylǵan qujat áýe kompanııasynyń resmı saıtynda jarııalanady, — delingen habarlamada.
Prokýratýrada mundaı ózgerister zańnamany biryńǵaı qoldanýdy qamtamasyz etip, jolaýshylar úshin túsinikti jaǵdaılar qalyptastyratynyn jáne áýe kompanııasy jumysynyń ashyqtyǵyn arttyratynyn atap ótti.
Aıta ketelik Shymkent áýejaıy Eýropanyń derekter bazasyna engizilgen edi.