Halyqaralyq Olımpıada komıteti: Mıhaıl Shaıdorov álemdi tańǵaldyrdy
ASTANA. KAZINFORM — Halyqaralyq Olımpıada komıteti (HOK) qazaqstandyq mánerlep syrǵanaýshy Mıhaıl Shaıdorovtiń Olımpıadadaǵy tarıhı jeńisine joǵary baǵa berdi.
Olımpıada oıyndarynyń resmı Instagram paraqshasynda 2026 jylǵy Qysqy Olımpıada oıyndary aıasynda altyn medal jeńip alǵan sportshy týraly jazba jarııalandy. Onda Mıhaıl Shaıdorovtyń óneri joǵary baǵalanǵan.
— Mıhaıl Shaıdorov Mılan–Kortına Olımpıadasyndaǵy debıýtinde kútpegen nátıje kórsetti. 21 jastaǵy sportshy myqty qarsylastarymen básekege túsip, erkin baǵdarlamada 198,64 upaı jınap, jeke rekordyn jańartty. Óner kórsetkennen keıin emotsııasyn jasyra almaı, kózine jas aldy. Keıin onyń Olımpıada chempıony atanǵany belgili boldy.
Osylaısha, ol Qazaqstan tarıhynda mánerlep syrǵanaýdan alǵashqy altyn medaldi jeńip alyp, 1994 jyldan bergi qysqy Olımpıada oıyndaryndaǵy eldiń alǵashqy altynyn ıelendi, — delingen habarlamada.
Qysqa baǵdarlamadan keıin Mıhaıl Shaıdorov besinshi orynda turǵan. Degenmen erkin baǵdarlamada joǵary nátıje kórsetip, qarsylastaryn basyp ozdy.
Aıta keteıik, buǵan deıin Mıhaıl Shaıdorov 2026 jylǵy ISU mánerlep syrǵanaý júldesiniń «Úzdik kostıým» nomınatsııasyna usynylǵan bolatyn.
