Halyqaralyq kómek kúrt qysqardy: álemde ana men sábı ólimi qaıta kóbeıýi múmkin
ASTANA. KAZINFORM – Keıingi ondaǵan jylda ana ólimin azaıtý baǵytynda qol jetkizilgen jahandyq jetistikterge qaýip tónip tur, dep habarlaıdy Theguardian.
Sarapshylardyń aıtýynsha, halyqaralyq kómektiń qysqarýy jaǵdaıdy qaıta ýshyqtyra bastaǵan.
Keıingi 20 jylda dúnıejúzinde ana ólimi 40 paıyzǵa tómendegen. Alaıda qazir bul kórsetkish keri ketip barady.
Buǵan AQSh pen birqatar eldiń qarjylyq kómekti kúrt qysqartýy sebep bolǵan.
2025 jyly jahandyq gýmanıtarlyq kómek kólemi 23 paıyzǵa azaıǵan.
Al 2026 jyly bul kórsetkish taǵy tómendeýi múmkin.
USAID jáne ózge de halyqaralyq baǵdarlamalar bıýdjetiniń qysqarýy Afrıkadaǵy eń osal óńirlerge aýyr soqqy bolǵan.
Saldarynan kóptegen emhana jabylyp, akýsher mamandar jumystan qysqaryp jatyr.
Keı elderde dári-dármek tapshylyǵy da kúsheıgen.
Mamandar munyń saldary qıyn bolýy múmkin ekenin eskertti.
Boljamǵa sáıkes, tek United States Agency for International Development baǵdarlamalary toqtatylǵandyqtan, Batys Afrıkanyń alty elinde bosaný kezindegi ólim 45 paıyzǵa artýy yqtımal.
Sonymen qatar United Kingdom aldaǵy úsh jylda Afrıka memleketterine kórsetiletin ekijaqty kómekti eki eseden astam qysqartýdy josparlap otyr.
Gazada ana ólimi úsh esege artty.
