Halyqaralyq qylmystyq sot Netanıahý men Galantty qamaýǵa alýǵa order berdi
ASTANA. KAZINFORM – Halyqaralyq qylmystyq sot palestınalyq HAMAS qozǵalysy áskerı qanatynyń qolbasshysy Muhammed ad-Deıfti qamaýǵa alýdy talap etti. Ol sondaı-aq Izraıl premer-mınıstri Bınıamın Netanıahý men qorǵanys mınıstri Ioav Galantty qamaýǵa alýǵa order berdi. Bul týraly sottyń baspasóz habarlamasynda aıtylǵan, dep habarlaıdy TASS aqparat agenttigi.
Bul rette Izraıl armııasy tamyz aıynda habarlaǵandaı, ad-Deıftiń kózi 13 shildede Gaza sektoryndaǵy Han-ıÝnıs qalasyna ızraıl tarapynan soqqy berý kezinde joıyldy.
Qujatta kórsetilgendeı, Halyqaralyq qylmystyq sot Izraıl tarapynan Rım mártebesine sáıkes bergen qarsylyǵyn moıyndamaý týraly eki sheshimdi biraýyzdan qabyldady.
«Ol sondaı-aq Palestına aýmaǵynda jasalǵan áskerı qylmystar men adamzatqa qarsy qylmystar úshin Netanıahý men Galantty qamaýǵa alý týraly order berdi», - delingen baspasóz habarlamasynda.
Kazinfom úshin arnaıy TASS seriktes agenttigi usynǵan.
Buǵan deıin AQSh BUU-nyń Gazada atysty toqtatý týraly qararyna veto qoıǵany týraly habarlaǵan bolatynbyz.
Qarardy BUU Qaýipsizdik Keńesiniń turaqty emes 10 múshesi ázirlegen. Onda Gaza sektorynda atysty jyldam toqtatý týraly aıtylǵan. Qararǵa AQSh-ty qospaǵanda Keńestiń qalǵan 14 múshesi daýys berdi.
