Halyqaralyq eńbek uıymynyń ókilderi Qazaqstanda kelissóz ótkizedi
ASTANA. KAZINFORM – 2024 jylǵy 15-18 mamyr aralyǵynda Halyqaralyq eńbek uıymy Bas dırektorynyń kómekshisi – Eýropa jáne Ortalyq Azııa boıynsha óńirlik dırektory Beat Andrestiń Astanaǵa jumys sapary ótedi.
Sapardyń maqsaty – Uıymmen yntymaqtastyqty tereńdetý máseleleri, onyń ishinde Uıym sarapshylaryna tehnıkalyq kómek kórsetý, sondaı-aq Qazaqstannyń áleýmettik ádilettilik jónindegi jahandyq koalıtsııaǵa qosylýy máselelerin talqylaý.
«Óńirlik dırektordyń sapary barysynda Qazaqstan Respýblıkasy Premer-Mınıstriniń orynbasary Tamara Dúısenovamen, Eńbek jáne halyqty áleýmettik qorǵaý mınıstri Svetlana Jaqypovamen, Syrtqy ister mınıstriniń birinshi orynbasary Qaırat Omarovpen, sondaı-aq «Paryz» ulttyq jumys berýshiler konfederatsııasy jáne Qazaqstan Kásipodaqtar federatsııasy ókilderimen kezdesedi dep josparlanǵan», - dedi Syrtqy ister mınıstrliginiń resmı ókili Aıbek Smadııarov mınıstrlikte ótken aptalyq baspasóz máslıhatynda.
