Halyqaralyq eńbek uıymynyń bas dırektory Jılber Ýngbo Qazaqstanǵa keledi
ASTANA. KAZINFORM – Ol 4 qyrkúıekte Astanada Qazaqstan jumys berýshileriniń sezine qatysyp, eldegi iri bıznes ókilderiniń aldynda sóz sóıleıdi.
HEU – eńbek qatynastaryn retteýmen aınalysatyn Birikken Ulttar Uıymynyń mamandandyrylǵan mekemesi. Onyń quramyna Qazaqstandy qosqanda 187 memleket kiredi. Uıymnyń negizgi maqsaty – áleýmettik ádilettilikti qamtamasyz etý.
Uıym qaqtyǵystardy sheshý jáne eńbek jaǵdaılaryn jaqsartý úshin úkimetter, jumys berýshiler jáne jumysshylar arasyndaǵy dıalogty ilgeriletetin trıpartızm qaǵıdaty boıynsha jumys isteıdi.
Buǵan deıin HEU jumyssyzdyq deńgeıine qatysty óz boljamdaryn usynǵan bolatyn. Esepte jahandyq jumyssyzdyq deńgeıi 2024 jyly 4,9%-ǵa deıin tómendeıtini, biraq eńbek naryǵyndaǵy eleýli teńsizdikter saqtalatyny aıtylǵan. Ásirese tabysy tómen elderde jumys tapshylyǵynan áıelder qatty zardap shegýde.
