Halyqaralyq burandamúıizdi eshki kúnin merekeleý týraly usynys maquldandy

ASTANA. KAZINFORM – BUU Bas assambleıasy Tájikstan prezıdenti Emomalı Rahmonnyń usynysyn eskere otyryp, 24 mamyrdy Halyqaralyq marhýr kúni retinde atap ótý týraly sheshim qabyldady. Bul týraly «Hovar» aqparat agenttigi habarlady.

«Halyqaralyq marhýr kúnin jarııalaý týraly qarardyń demeýshileri Aýǵanstan, Vengrııa, Izraıl, Qazaqstan, Qytaı, Pákistan, Tájikstan, Túrikmenstan jáne Ózbekstan», - dep habarlady agenttik.

Bul biregeı tirshilik ıesiniń ómir súrýine eń úlken qaýip - tirshilik etý ortasynyń joǵalýy, zańsyz ań aýlaý, onyń ishinde brakonerlik jáne klımattyń ózgerýi.

Sheshimge sáıkes, 24 mamyr – Halyqaralyq marhýr kúninde elder men uıymdar osy mańyzdy burandamúıizdiler túrin saqtaýǵa baǵyttalǵan is-sharalardy ótkizýi kerek.

Málimet úshin, marhýr (Capra falconeri) – halyqaralyq «Qyzyl kitapqa» engizilgen taý eshkisiniń sırek túri.

Taý eshkiler tuqymdasyna jatatyn marhýr ataýy parsy tilindegi mor - «jylan» jáne hýr - «jeý» sózderinen shyqqan. Belgili bir sebeptermen jergilikti turǵyndar marhýrlar jylandardy aýlap, olardy jeıdi dep sengen. Sondyqtan jergilikti turǵyndar marhýr eti jylan shaqqan adamǵa em bolady degen. Árıne, bul ańyzdyń ǵylymı dáleli joq, marhýrlar tek shóp jeıdi. Olardyń jylan jegenin eshkim kórmegen.

Marhýrlar soltústik jáne soltústik-batys Úndistanda, Irannyń ońtústik-shyǵysynda jáne Aýǵanstanda taralǵan. Ózbekstannyń tastaq taýlarynda da kezdesedi. Burandamúıizdi marhorlar tik jartasty taý betkeılerin mekendeıdi.