Halyqaralyq avtotasymaldarǵa ruqsat berý tártibi qaıta qaralady
ASTANA. KAZINFORM - Kólik mınıstrliginde halyqaralyq qatynasta avtomobıl tasymaldaryna ruqsat berý júıesin jetildirý jónindegi jumys tobynyń kezekti otyrysy ótti, dep habarlaıdy mınıstrliktiń baspasóz qyzmeti.
Otyrysqa jumys tobynyń quramyna kiretin qaýymdastyqtardyń ókilderi qatysty.
Jıynda Qazaqstan Respýblıkasynda halyqaralyq qatynasta avtomobıl tasymaldaryna ruqsat berý júıesin qoldaný qaǵıdalaryna, sondaı-aq tasymaldaýshylardy halyqaralyq avtomobılmen júk tasymaldaýǵa jiberý qaǵıdalaryna ózgerister men tolyqtyrýlar engizý máseleleri qaraldy.
-Negizgi nazar praktıkalyq máselelerge aýdaryldy. Jumys tobynyń músheleri sheteldik ruqsattardy berý jáne paıdalaný tártibin jetildirý, ruqsat berý júıesiniń tıimdiligin arttyrý jáne halyqaralyq júk tasymaldaryn júzege asyrýǵa qolaıly jaǵdaı jasaý boıynsha usynystaryn bildirdi,-delingen habarlamada.
Jumys toby músheleriniń usynysy boıynsha avtokólik quraldarynda ruqsat berý júıesi talaptarynyń buzylýyn jedel tekserýge múmkindik beretin Telegram-bottyń jumysy qaıta iske qosylady.
Ruqsat berý júıesin jetildirý boıynsha jumys Kólik mınıstrligi men sala ókilderiniń ózara is-qımyly aıasynda jalǵasady.
Osyǵan deıin Almatyda júk kólikterine arnalǵan shekteý talaptaryn buzǵan 3 myńnan astam júrgizýshi jaýapqa tartylǵany týraly jazdyq.
