«Halyq zańgeri»: 100-den asa elordalyq tegin zańgerlik keńes aldy
ASTANA. KAZINFORM — Astanada Esil aýdany prokýratýrasynyń bastamasymen quqyqtyq saýattylyqty arttyrýǵa jáne azamattardyń bilikti zań kómegine qoljetimdiligin keńeıtýge baǵyttalǵan «Halyq zańgeri» áleýmettik aktsııasy ótti, dep habarlaıdy qala ákimdiginiń resmı saıty.
Іs-shara «Kerýen» saýda oıyn-saýyq ortalyǵynda «Zań men tártip» qaǵıdatyn júzege asyrý aıasynda ótti.
Aktsııanyń basty maqsaty — elorda turǵyndaryna tegin zańgerlik keńes berý, ózekti quqyqtyq máselelerdi jedel sheshýge kómektesý, sondaı-aq zańnamany odan ári taldaý men jetildirýdi talap etetin júıeli problemalardy anyqtaý.
Alań jumysyna 20-ǵa jýyq memlekettik organ, qoǵamdyq birlestikter men beıindi uıymdar qatysty.
— Mamandar azamattarǵa turǵyn úı quqyǵy, áleýmettik qamsyzdandyrý, eńbek qatynastary, otbasy zańnamasy jáne basqa da baǵyttar boıynsha keńes berdi. Aktsııa aıasynda 100-den asa adam zańgerlik qoldaý aldy, — delingen habarlamada.
Aktsııa elordanyń barlyq aýdanynda óz qyzmetin jalǵastyryp, elordanyń árbir turǵyny úshin bilikti zań kómeginiń qoljetimdiligin qamtamasyz etedi.
Osydan buryn Astanadaǵy jol jóndeý jumystaryna baılanysty polıtsııa júrgizýshilerge úndeý jasady.
