Halyq pen bızneske arnalǵan memlekettik qyzmetterge jasandy ıntellekt qalaı engiziledi
ASTANA. KAZINFORM — Úkimette Premer-Mınıstrdiń orynbasary — Úkimet apparatynyń basshysy Ǵalymjan Qoıshybaevtyń tóraǵalyǵymen ótken keńeste azamattar men bızneske arnalǵan memlekettik qyzmetterge jasandy ıntellekt (JI) elementterin engizý talqylandy.
JI elementterin engizý boıynsha jumys memlekettik apparattyń qyzmetin bıýrokratııadan aryltý jáne azamattar men bıznestiń ómirin jeńildetýge baǵyttalǵan tsıfrlyq qyzmetterdi engizý boıynsha Memleket basshysynyń saılaýaldy baǵdarlamasyn iske asyrý sheńberinde júrgiziledi.
Birqatar memlekettik organdar jańa JI-qyzmetin engizý nátıjelerin usyndy — bilim berýdegi kómekshi, dúleı apattardy monıtorıngileýge arnalǵan qyzmet, Qazaqstan shekarasyndaǵy elektrondy kezekter, «Báıterek» holdıngindegi bıznes-protsesterdi avtomattandyrý.
Keńes barysynda Ǵ. Qoıshybaev «Báıterek» holdıngine qyzmet kórsetýdiń «biryńǵaı terezesi» qaǵıdaty boıynsha barlyq qarjylyq qyzmetterdi egov mobıldik qosymshasyna shyǵarýdy, sondaı-aq jasandy ıntellektti paıdalana otyryp, aqsha qarajatyn alýǵa bıznesten ótinimderdi qaraý merzimderin edáýir qysqartýdy jáne bıznespen jumys isteýdiń proaktıvti formatyna kóshýdi tapsyrdy.
«Úkimet ómirdiń barlyq salalarynda jasandy ıntellektini engizý boıynsha belsendi jumysty jalǵastyrady. Bul rette derekterdiń qaýipsizdigine jáne zańnamalyq normalardyń saqtalýyna erekshe nazar aýdarylady. Atalǵan sharalar azamattardyń ómir súrý sapasyn jaqsartýǵa jáne bıznesti damytýǵa yqpal etetin memlekettik basqarýdyń neǵurlym tıimdi jáne ashyq júıesin qurýǵa baǵyttalǵan», — dep atap ótti Ǵalymjan Qoıshybaev.
