«Halyq meniń shyn atym»: Almatyda Jambyl Jabaevtyń murasy ulyqtaldy

ASTANA. KAZINFORM — Almatyda Jambyl Jabaevtyń 180 jyldyǵyna oraı shyǵarmashylyq kesh ótti, dep habarlaıdy Mádenıet jáne aqparat mınıstrliginiń baspasóz qyzmeti.

QR Ortalyq memlekettik kıno-fotoqujattar men dybys jazbalary arhıvinde jyr alyby Jambyl Jabaevtyń 180 jyldyq meroıtoıyna arnalǵan «Halyq meniń shyn atym» atty shyǵarmashylyq kesh uıymdastyryldy.

Іs-sharaǵa mýzeı jáne arhıv salasynyń ókilderi, óner qaıratkerleri, zertteýshiler, sondaı-aq aqynnyń nemeresi Saltanat Jambyl qatysyp, óz pikiri men estelikterin bólisti. 

Kesh aıasynda arhıv qorynan alynǵan 1932–1946 jyldardaǵy sırek fotoqujattar negizinde kórme uıymdastyryldy.

— «Arhıv–2025» baǵdarlamasy boıynsha Reseı dybys arhıvinen alynǵan Jambyl Jabaev daýysynyń aýdıojazbasy kórermenge usynyldy.Іs-shara barysynda «Jambyl» atty kórkem fılm kórsetildi. Fılmde aqynnyń ómir joly, shyǵarmashylyǵy men túrli tarıhı kezeńdegi qoǵamdyq róli baıandalady, — delingen habarlamada.

Osyǵan deıin 28 aqpanda jyr alyby Jambyl Jabaevtyń týǵan kúni ekenin jazǵanbyz.