Halyq quqyq qorǵaý organdary men sot júıesine sene me – zertteý

ASTANA. KAZINFORM – Ulttyq statıstıka bıýrosy halyqtyń quqyq qorǵaý organdaryna jáne sot júıesine senimdilik deńgeıin zerttegen. 

Zertteý 2024 jyldyń sáýir-mamyr aılarynda respýblıkanyń barlyq óńirinde qalalyq jáne aýyldyq jerlerde júrgizilgen.

Zertteý nátıjeleri boıynsha 64% suralǵandardyń ózderi turatyn aýdanda ózin tolyq qaýipsiz sezinedi, 29,4% jetkilikti qaýipsiz, 5,4% qaýipsiz emes, 0,6% múldem qaýipsiz emes jáne 0,6% jaýap berýge qınalǵan.

Respondentterdiń jaýaptaryna sáıkes, qaýipsizdiktiń negizgi sebepteri jaryqtandyrýdyń bolmaýy nemese jetkiliksizdigi – 26,7%, jalǵyz shyǵýdan qorqý – 19,1% jáne qaýipsizdiktiń tómen deńgeıi – 19,1% qurap otyr.

Ár quzyrly organǵa jeke toqtalsaq, zertteý qorytyndysy boıynsha prokýratýraǵa senetin adamdardyń úlesi 66%. Onyń arasynda ishinara senetinder- 24,1%, senbeıtin sııaqtylar - 3,0%, senbeıtinder - 2,3%. Jaýap berýge qınalǵandar úlesi 4,6% qurady.

Polıtsııa organdaryna senetinder úlesi 61,6%. Atap aıtqanda, ishinara senetinder – 27%, kerisinshe senbeıtinder – 4,4%, senbeıtinder – 4,6%. Jaýap berýge qınalǵandar úlesi 2,5% qurady.

Sybaılas jemqorlyqqa qarsy qyzmetke senetin respondentter úlesi 50,9% qurady, ishinara senetinder – 28,7%, senbeıtin sııaqty adamdar – 4,9%, senbeıtinder – 4,1%. Jaýap berýge qınalǵan respondentter úlesi 11,4 % qurady.

Sot júıesine senetinder úlesin 61,8% qurady, ishinara senetinder – 25,9%, senbeıtin sııaqty adamdar – 3,4%, senbeıtinder – 2,9%. Jaýap berýge qınalǵandar úlesi 6% qurady.

Ekonomıkalyq tergeý qyzmetine senetinder úlesi 47,8% qatysýshy senetin bolyp shyqty. Arasynda ishinara senetinder – 29%, senbeıtin sııaqty adamdar – 5,2%, senbeıtinder – 2,9%. Respondentterdiń 15% jaýap berýge qınalǵan.

Zertteýge qatysqandardyń 79,4% órtke qarsy qyzmetke senedi eken. Tarqata ketsek, ishinara senetinder – 16,4%, senbeıtin sııaqty adamdar – 0,9%, senbeıtinder – 0,4%. Jaýap berýge qınalǵan respondentter úlesi 2,8% qurady.