«Halyq qolóneri jáne beıneleý óneri mektebi» jobasyna ótinim qabyldaý bastaldy
ASTANA. KAZINFORM — Іrikteýden ótken sheberler joba aıasyndaǵy bilim berý baǵdarlamasyna qatysyp, ulttyq kodty, mádenı sabaqtastyqty jáne qazaq halqynyń baı murasyn saqtaýǵa óz úlesin qosa alady, dep habarlaıdy Mádenıet jáne aqparat mınıstrliginiń baspasóz qyzmeti.
Kreatıvti ındýstrııalardy damytý qory qazaqtyń sırek kezdesetin, biregeı ári umyt bola bastaǵan qolóner túrlerimen aınalysatyn sheberlerdi «Halyq qolóneri jáne beıneleý óneri mektebi» jobasyna qatysýǵa shaqyrady.
Joba ulttyq ónerdi saqtaýǵa, dástúrli kásip túrlerin jańǵyrtýǵa jáne qazaqtyń ǵasyrlar boıy qalyptasqan tájirıbesin jas urpaqqa jetkizýge baǵyttalady.
— Ótinimder 2026 jylǵy 31 mamyrǵa deıin elektrondy formatta qabyldanady. Qatysý úshin silteme arqyly arnaıy formany toltyryp, portfolıo usyný qajet. Portfolıo Instagram-paraqsha siltemesi, beınetanystyrylym, PDF-prezentatsııa, shyǵarmashylyq jumystardyń fotosýretteri nemese sheberdiń osyǵan deıingi júzege asyrǵan jobalar tizimi formatynda qabyldanady, — delingen mınıstrlik taratqan aqparatta.
Osydan buryn SQO-da jazasyn óteýshiler ulttyq qolónerdi meńgerip, at ábzelderin jasaıtynyn jazǵan edik.
