Halyq Keńesiniń úshten biri — etnomádenı birlestik ókilderi: Dostyq úıleri jumysyn jalǵastyrady
ASTANA. KAZINFORM — Etnomádenı birlestikterdiń 42 ókili Qazaqstan Halyq Keńesiniń quramyna kirdi. Bul Keńes músheleriniń úshten birin quraıdy. Memleket basshysy Qasym-Jomart Toqaev muny etnomádenı birlestikterdiń eldiń ornyqty damýyna qosatyn úlesiniń mańyzdy kórsetkishi retinde atady.
Buryn Parlament kvotasyna saı, Senatqa Qazaqstan halqy assambleıasynyń 5 múshesi ǵana ótetin. Al endi Halyq Keńesiniń quramyna etnomádenı birlestikterdiń 42 ókili kirdi.
— ıAǵnı olar Keńes músheleriniń úshten birin quraıdy. Elimizdiń ornyqty ári tabysty damýy turǵysynan QHA mıssııasynyń mańyzdy ekenine osy aıqyn dálel bolady. Qazirgi mindetimiz — ónimdi jumys isteý. Eń aldymen, etnosaralyq jáne konfessııaaralyq kelisimdi nyǵaıtý tásilderin joǵaltpaı, ony odan ári jalǵastyryp áketken jón, — dedi Qasym-Jomart Toqaev Qazaqstan Halyq Keńesiniń birinshi sessııasynda.
Prezıdenttiń aıtýynsha, Halyq Keńesi birlik pen kelisimniń jańa tujyrymy ázirlenetin ortalyq bola alady.
Basqasha aıtqanda, Halyq Keńesi etnomádenı birlestikter men osy salada qyzmet etetin basqa da qoǵamdyq uıymdardy bir maqsatqa biriktirýi kerek.
— Óńirlik deńgeıde Dostyq úıleriniń janynan ashylǵan «Qoǵamdyq kelisim» jelisi jumysyn jalǵastyrady. Etnomádenı birlestikterdiń ókilderi jergilikti qoǵamdyq keńesterdiń quramyna kirip, Qazaqstan Halyq Keńesindegi turaqty komıtetterdiń, salalyq komıssııalardyń jáne konsýltatıvtik-keńes organdarynyń jumysyna qatysa alady. Alaıda jańa múmkindikter aıryqsha jaýapkershilik júkteıtinin de eskergen jón. Durys sheshimdi talap etetin túıtkilder shash etekten, — dedi Memleket basshysy.
Buǵan deıin Prezıdent bir jylda Qazaqstanda eldiń saıası júıesi men memlekettik basqarýyna eleýli ózgeris ákelgen aýqymdy reformalar júzege asqanyn aıtqan edi.
Qasym-Jomart Toqaev Qazaqstannyń 7 jyldaǵy negizgi kórsetkishterin atady.
Sondaı-aq Halyq Keńesi men Quryltaı bir-biriniń jumysyna aralaspaıdy.
