Halyq keńesiniń ókilettigi jarııalandy – Konstıtýtsııalyq komıssııa
ASTANA. KAZINFORM – Konstıtýtsııalyq reformalar jónindegi komıssııanyń (Konstıtýtsııalyq komıssııa) kezekti otyrysynda Májilis depýtaty Sergeı Ponomarev Halyq keńesiniń quramy men týraly aıtty.
Halyq keńesi Qazaqstan halqy Assambleıasy men Ulttyq Quryltaıdyń ornyn basady.
70-baptyń usynylǵan nusqasyna sáıkes, Halyq keńesi Qazaqstan halqynyń múddesin bildiretin joǵary konsýltatıvtik organ bolady.
Ponomarev atap ótkendeı, Halyq keńesin qurý, onyń ókilettikteri jáne qyzmetin uıymdastyrý jeke konstıtýtsııalyq zańmen anyqtalady.
Depýtattyń sózine qaraǵanda, Halyq keńesiniń quramyna Qazaqstan azamattary kiredi. Onyń arasynda 42 múshesi eldegi etnostardyń ókilderinen, taǵy 42-si qoǵamdyq birlestikterden, sondaı-aq óńirlerdegi máslıhattardan 42 ókil bolady. Bul óz kezeginde jergilikti jerdegi jaǵdaıdy eskerýge múmkindik beredi.
Halyq keńesiniń ókilettigi 71-bapta kórsetilgen:
– memlekettiń ishki saıasatynyń negizgi baǵyttary boıynsha usynystar ázirleý;
– qoǵamdyq kelisimdi, ulttyq birlikti jáne yntymaqtastyqty nyǵaıtý;
– Qazaqstan Respýblıkasynyń negizgi qaǵıdattary men ulttyq qundylyqtardy nasıhattaý;
– zań jobalaryn Quryltaıǵa usyný;
– respýblıkalyq referendým ótkizýge bastamashylyq jasaý.
Eske salsaq, jaqynda Prezıdent jańa Parlamentke «Quryltaı» degen ataý berýdi usyndy.
Buǵan deıin Halyq keńesi referendým ótkizýge bastama kótere alatynyn jazǵan edik.