Halyq Keńesin qurýǵa bıýdjetten 1,7 mlrd teńge bólinedi
ASTANA. KAZINFORM – Qazaqstanda 2027 jyly Halyq Keńesin qurýǵa respýblıkalyq bıýdjetten 1,7 mlrd teńge baǵyttaý josparlanyp otyr. Bul týraly Qarjy vıtse-mınıstri Abzal Beısenbekuly aıtyp berdi.
Spıkerdiń aıtýynsha, 2027 jyly qaýipsizdik, memlekettik basqarý jáne rezervter baǵytyna 4,9 trln teńge bólý kózdelgen.
Shyǵystardyń negizgi bóligi, ıaǵnı 3,3 trln teńge kúsh blogyna tıesili jáne memlekettik basqarýǵa 787 mlrd teńge qarastyrylǵan.
– Úkimettiń rezervi 370 mlrd teńge mólsherinde jáne Prezıdenttiń bastamalaryna - 470 mlrd teńge kóleminde rezerv qalyptastyryldy, – dedi Abzal Beısenbekuly Quryltaıda ótken bıýdjet tanystyrylymynda.
Qosymsha qarajat myna baǵyttarǵa bólinedi:
- 95 mlrd teńge – kúsh organdarynyń qyzmetkerlerine turǵyn úı tólemderine;
- 2,3 mlrd teńge – Іshki ister mınıstrligi qyzmetkerleriniń sanyn arttyrýǵa
- 1,7 mlrd teńge – Qazaqstan Halyq Keńesin qurýǵa kózdelgen.
Jalpy osy baǵyt boıynsha qosymsha shyǵystar shamamen 89 mlrd teńgeni quraıdy.
Buǵan deıin Memleket basshysy Qasym-Jomart Toqaev qyrkúıektiń ekinshi jartysynda Halyq Keńesi jasaqtalatynyn aıtqan edi.
Aıta keteıik, Qarjy vıtse-mınıstri Abzal Beısenbekuly Quryltaıda «2027-2029 jyldarǵa arnalǵan respýblıkalyq bıýdjet týraly» Zań jobasyn tanystyrdy.
