Halyq keńesi memlekettik organdardyń qyzmetin almastyrmaıdy – Ádilet mınıstri
ASTANA.KAZINFORM – Halyq keńesi usynymdardy ázirleýge arnalǵan pikir almasý alańy bolady. Bul týraly búgin Parlament palatalarynyń birlesken otyrysynda «Halyq keńesi týraly» zań jobasyn talqylaý kezinde Ádilet mınıstri Erlan Sársembaev málim etti.
- Zań jobasynyń negizgi tujyrymdamasy – qoǵam men memleket arasyndaǵy jalpyulttyq dıalogtyń turaqty tetigin júıeli túrde qalyptastyrýǵa baǵyttalǵan. Qazaqstan Halyq Keńesi – «Halyq únine qulaq asatyn memleket» qaǵıdatyn iske asyrýdyń negizgi quraly retinde aıqyndalyp otyr. Bul rette usynylyp otyrǵan ınstıtýt memlekettik organdardyń qyzmetin almastyrmaıdy jáne olardyń fýnktsııalaryn qaıtalamaıdy. Ol – kerisinshe ishki saıasattyń negizgi baǵyttary boıynsha kelisilgen usynystar men usynymdardy ázirleýge arnalǵan pikir almasý alańy bolady, - dedi E.Sársembaev.
Budan buryn habarlanǵandaı, birlesken otyrysta depýtattar «Qazaqstan Halyq Keńesi týraly», «Qazaqstan Respýblıkasy astanasynyń mártebesi týraly», «Qazaqstan Respýblıkasynyń ákimshilik-aýmaqtyq qurylysy týraly» úsh konstıtýtsııalyq zań jobasyn birinshi oqylymda talqylap jatyr.
