Halyq qaharmany Ivan Gapıch ómirden ótti
ORAL. KAZINFORM — Halyq qaharmany, soǵys jáne eńbek ardageri Ivan Gapıch 104 jasqa qaraǵan shaǵynda ómirden ozdy.
Bul týraly Batys Qazaqstan oblysynyń ákimi Narıman Tóreǵalıev Facebook áleýmettik jelisindegi paraqshasynda málim etti.
Ivan Stepanovıch 1923 jyly Aqmola oblysynda dúnıege kelip, Almatyda bilim aldy.
Maıdan dalasynda Polshany, Chehoslovakııany, Ýkraınany azat etýge atsalysty. Máskeýde ótken áıgili Jeńis sherýine qatysty.
Soǵystan keıingi jyldary prokýratýra organdarynda eseli eńbek etti. Onyń erlikpen, eńbekpen órilgen ómir joly – qaısar rýh pen otansúıgishtiktiń ozyq úlgisi.
- Aǵamyzǵa amandasa barǵanda, únemi aq batasyn berip, eldiń amandyǵyn, jerdiń tutastyǵyn tilep otyrýshy edi. Óskeleń urpaqty patrıottyq rýhta tárbıeleýge de erekshe úles qosty.
Gapıchter áýletine, jalpy óńir turǵyndaryna qaıǵyǵa ortaqtasyp, kóńil aıtamyn. Marqumnyń erligi men jarqyn beınesi el jadynda saqtalady, - dep jazdy óńir basshysy.
Eske sala keteıik, budan buryn Oralda Ivan Gapıchke «Altyn juldyz» ben «Otan» ordeni tabys etilgenin jazǵan edik.
Sondaı-aq Oralda Halyq qaharmany Ivan Gapıchtiń erligi men eńbegi dáripteldi.
