Halyq gaz quıyp júrgen ballondardyń kóbi jaramsyz – Tótenshe jaǵdaılar mınıstri
ASTANA. KAZINFORM – Tótenshe jaǵdaılar mınıstri Shyńǵys Árinov Úkimet otyrysynda halyqtyń qolynda júrgen 350 myńǵa jýyq gaz ballonyn aýystyrý kerektigin taǵy aıtty.
«Kelesi másele, turmystyq gazdy durys paıdalanbaý saldarynan bolýy múmkin jarylystar. Qazir halyq gaz ballondardy avtomobılge janar-jaǵarmaı quıý stantsııalarynan toltyrady. Ol zańǵa qaıshy keledi. Al, ol ballondardyń basym bóligi paıdaǵa jaramsyz. Bizdiń esebimiz boıynsha 348 myń gaz ballonyn aýystyrý kerek», - dedi ol.
Mınıstr ákimdikter de bul máselede qyraǵylyq tanytý kerek degendi aıtty.
«Osy oraıda, ákimdikterdiń janyndaǵy turǵyn úı komıssııalary turmystyq jáne kommýnaldyq tutynýshylardyń gaz tutyný júıeleri men gaz jabdyqtaryn qaýipsiz paıdalaný erejeleriniń saqtalýyna baqylaý jasaýdy kúsheıtýi qajet», - dedi vedomstvo basshysy.
Buǵan deıin TJM ókilderi eskirgen gaz ballondaryn jańartýǵa «Jasyl damý» qorynyń qarajaty jumsalýy múmkin ekenin aıtqan edi.